“Mening ahil oilam” mavzusida musobaqa tashkil etildi

Kogon shahar 9-umumiy oʻrta taʼlim maktabida “15-Xalqaro oila kuni “ munosabati bilan “Mening ahil oilam” mavzusida musobaqa tashkil etildi. “Adolat” SDP Kogon shahar Kengashi raisi M.Hamroyeva, mazkur maktabning direktori va jismoniy tarbiya oʻqituvchilari musobaqaga hakamlik qildi. Bellashuvda oʻquvchilar oʻz ota-onalari bilan ishtirok etishdi.

Hakamlar hayʼati tomonidan gʻolib boʻlgan oilalarga qimmatbaho esdalik sovgʻalarini topshirishdi. Uchrashuvdan koʻzlangan maqsad ota-ona va farzand oʻrtasi ahillikni mustahkamlash, bir -biriga boʻlgan mehr-muhabbatni oshirish.

Xulosa oʻrnida shuni aytish joizki, Sharq dunyosida oila qadimdan muqaddas dargoh sifatida qadrlangan. Oilada vatanga sadoqat, ota-onaga oqibat, oila aʼzolari oʻrtasida oʻzaro hurmat, mehr-muruvvat omillari oʻsib kelayotgan yosh avlod ongiga singdirilib, oiladagi maʼnaviy muhitni barqarorlashtirishga, ularning jamiyat oldidagi masʼuliyatini kuchaytirishga xizmat qiladi.

Mohigul Rahimqulova,

"Adolat" SDP Buxoro viloyat Kengashi matbuot kotibi.