Mening Konstitutsiyam – mening kelajagim

Maʼlumki, mamlakatimizda 30 aprel kuni referendum boʼlib oʼtadi. Shu munosabat bilan Xalq deputatlari Soʼx tuman Kengashi deputati S.Nishonov tomonidan “Hazrati Аli” MFYdagi 4-sonli MTTda Konstitutsiya loyihasi mazmun-mohiyatini muassasa xodimlariga tushuntirishga qaratilgan tadbir oʼtkazildi. «Konstitutsiya meniki, seniki, bizniki! Konstitutsiya oʼzimizniki!» shiori ostida oʼtkazilgan tadbirda referendumda faol qatnashishga chaqirildi.

“Аdolat" SDP Fargʼona shahar Kengashi Shahnoza Аhmedova tomonidan Respublika ixtisoslashtirilgan narkologiya ilmiy-amaliy tibbiyot markazi Fargʼona viloyati filiali boshlangʼich partiya tashkilotida tadbir oʼtkazildi. “Mening Konstitutsiyam – mening kelajagim” mavzusidagi davra suhbatida Fargʼona politexnika institutidan ijtimoiy fanlar va sport kafedrasi katta oʼqituvchisi Nasiba Oltmisheva hamda geodeziya kartografiya katta oʼqituvchisi Nodira Teshaboeva mavzu doirasida maʼruzalari bilan ishtirok etdi.

Quva tumani "Rasta" MFYda yashovchi aholi oʼrtasida boʼlib oʼtgan targʼibot tadbirida partiya tuman Kengashi raisi Sh.Mamajonova “Konstitutsiyaviy islohotlar – davr talabi” mavzusida maʼruza qildi.

Bagʼdod tumanidagi “Doʼstlik” MFYda maktabgacha taʼlim tashkilotlari xodimlari ishtirokida tashkillangan targʼibot tadbirida ishtirokchilar oʼzlarini qiziqtirgan savollarga javob oldi. Partiya tuman Kengashi raisi E.Аbduvaliyeva bosh qomusimizda koʼzda tutilgan yangi normalar kiritilgani, davlat oilaning toʼlaqonli rivojlanishi uchun ijtimoiy, iqtisodiy, huquqiy va boshqa shart-sharoitlar yaratilishi konstitutsiyaviy mustahkamlanayotganligini taʼkidladi. Tadbirda Oliy Majlis Qonunchilik palatasi deputati G.Saidgʼaniyeva ishtirok etdi.

–       Yangilanayotgan qomusimizda kambagʼallikni qisqartirish, bandlikni taʼminlash, ishsizlikdan himoya qilish boʼyicha davlatning ijtimoiy sohadagi majburiyatlari bilan bogʼliq Konstitutsiyadagi normalar koʼpaytirilgan. Bu oʼz navbatida turmush farovonligini taʼminlashga xizmat qiladi, – deydi Xalq deputatlari Rishton tuman Kengashi deputati А.Gʼafurov 45-umumtaʼlim maktabidagi tadbirda.

“Аdolat” SDP Fargʼona viloyat Kengashi Matbuot xizmati.