Milliy askiyachilik va qiziqchilik sanʼati bardavom

Margʻilon shahridagi Ijodkorlar bogʻida Madaniyat va turizm vaziri Ozodbek Nazarbekov ishtirokida milliy askiyachilik va qiziqchilik sanʼatini yanada rivojlantirishga bagʻishlangan uchrashuv boʻlib oʻtdi.

Vodiy viloyatlari askiya va qiziqchilik sanʼati ustalari, soha mutaxassislari jalb etilgan tadbirda Prezident Administratsiyasi madaniyat va sanʼatni rivojlantirish shoʻbasi mudiri Nodirbek Sayfullaev ham ishtirok etdi.

Oʻziga xos tantana va soʻz ustalarining ichakuzdi askiyalari bilan boshlangan uchrashuvda Oʻzbekiston Respublikasi Prezidentining “Respublika milliy askiya va qiziqchilik sanʼatini yanada rivojlantirish chora-tadbirlari toʻgʻrisida”gi qarori mazmun-mohiyati kun tartibidan oʻrin oldi.

“Adolat”SDP

Farg’ona viloyat kengashi Matbuot xizmati.