Moʻyqalam sohiblarining istiqlol tuhfasi

Mamlakatimiz mustaqilligining 32 yilligi munosabati Fargʻona viloyati hokimligi, Oʻzbekiston Respublikasi Badiiy Аkademiyasi, Badiiy ijodkorlar uyushmasi Fargʻona viloyati boʻlimi qoshida tashkil etilgan “Ezgulik” Akademiyasi rassomlari Fargʻona tumanining “Shohimardon” qishlogʻiga ijodiy safar uyushtirdilar.

Shohimardon oʻzining betakror tabiati, toza havosi, zilol suvlari-yu, mehnatkash va mehmondoʻst xalqi bilan vatandoshlarimizni va dunyoning turli manzillaridan kelgan mehmonlarni oʻziga jalb qiladi, -deydi “Edelʼves” oromgohi rahbari, “Adolat” SDP faoli Manzura Moʻminova. Besh kun davomida ijodkorlar osmonoʻpar togʻlarning haybatiga oshno boʻlib, “Koʻliqubon”ning ajabtovur suvlarining rang-barang jilosiga mahliyo boʻldilar. Andijon, Namangan va Fargʻona viloyatlaridan kelgan eng mahoratli rassomlar Lyubovʼ Semizorova, Malika Boltaeva, Irina Batova, Roza Djalilova, Gʻiyosjon Boltaev, Latibjon Mamatov, Murod Umar, Muhammadsoli Ahmedov kabi rassomlar hamda taniqli fotograf Vlad Platonovlar Shohirmardonning betakror manzaralaridan ilhom olib, sanʼat asarlarini yaratishdi. Bu asarlar ishonchimiz komilki, mamlakatimiz mustaqilligining 32 yillik toʻyiga munosib toʻyona boʻla oladi.

Bu asarlar Oʻzbekistonni moʻyqalam tasvirlari orqali dovrugʻini dunyoga doston qiladi.

“Adolat” SDP

Fargʻona viloyat Kengashi Matbuot xizmati.