Muammo bilan yuzma-yuz

Ayni kunlardagi mintaqamiz, shuningdek, yurtimizda yoqqan qalin qor va kuzatilayotgan anomal sovuq barchamizning turmushimizga oʻzining taʼsirini koʻrsatmoqda.

Ushbu vaziyatda aholining mavsumga tayyorgarlik darajasi, uy-roʻzgʻor sharoitlari, gaz hamda elektr energiyasi bilan bogʻliq muammolarni oʻrganish va bartaraf etilish maqsadida “Adolat” SDP Kattaqoʻrgʻon tuman kengashi raisi Salohiddin Nagmatov tumanining bir nechta mahallalarida boʻlib, mavjud vaziyatni oʻrgandi.

Oʻrganishlar natijasida bir nechta xonadonlarda gaz balonlari bilan bogʻliq muammolar koʻrib chiqilib, ularni oʻz vaqtida bartaraf etish choralari koʻrildi. Shuningdek, qurilishlari chala bitgan xonadonlarga ham bir qancha qurilish materiallari kerakligi aniqlandi. Ushbu aniqlangan muammolar yuzasidan kerakli mutasaddilarga chiqildi va tez orada masala hal etilishi bildirildi.

“Adolat” SDP Samarqand viloyat kengashi
Matbuot xizmati.