Muammo bilan yuzma-yuz…

Oʻzbekiston “Adolat” SDP Qorovulbozor tuman Kengashi raisi N.Eshmurodov, Xalq deputatlari tuman Kengashi deputati M. Bobonazarova va partiya faoli N.Saloxovlardan tashkil topgan ishchi guruh aʼzolari “Muammo bilan yuzma-yuz” loyihasi doirasida Qorovulbozor tumaning “ Boʻzachi ” MFY hududi va aholi xonadonlariga tashrif buyurib, jami 59 ta xonadon, 1ta maktab holati va aholini muammolari bilan yaqindan tanishdi.
Ishchi guruh aʼzolari “ Boʻzachi ” MFY hududi xonadonlarda boʻlib ularning muammo va takliflari oʻrganib chiqdi. Muloqot jarayonida xuddi shunday deputatlarning tez-tez tashrif buyurib turishlari toʻgʻrisida mahalla raisi va mahalla faollari deputatlarga minnatdorchilik bildirdi. Deputat va partiya tuman Kengashi raisi boshchiligidagi guruh aholi xonadonlar aholisi bilan yuzma-yuz suhbatlashdi.

Hudud aholisining yakka tartibdagi tadbirkorlik faoliyati bilan shugʻullanuvchi shaxslarga banklar tomonidan beriladigan imtiyozli kreditlarni olish tartibi hamda mazkur kreditlarning minimal foiz stavkalari bilan qiziqib, bu borada huquqiy maslahat berishni soʻrab qilgan murojaatlariga ishchi guruhi aʼzolari tomonidan atroflicha huquqiy maslahat hamda tadbirkorlik faoliyatini rivojlantirish maqsadida olinadigan kreditlarni olish tartiblari, mamlakatimizda tadbirkorlikni liberallashtirish sohasida amalga oshirilayotgan izchil islohotlar, qabul qilinayotgan Qaror va farmoyishlar borasida batafsil maʼlumotlar berishdi.

Shu qatorda fuqaro “Boʻzachi” MFY da yashovchi fuqaro L.Joʻrayeva tomonidan murojaat kelib tushdi, unga asosan farzandi J.Davlatova 2018-yil maktabni bitirgani va oliy oʻquv yurtiga kirolmagani, hozirgi kunda ishsizligini, ishga kirmoqchi boʻlganida mutaxassislik soʻrashganini maʼlum qildi.

Shunda ishchi guruh aʼzolari tomonidan Yoshlarni ishsizligini kamaytirish maqsadida kasb-hunar maktablarida joriy etilgan kasbiy oʻqishlar bilan tanishtirilib, oʻzi qiziqqan yoʻnalishga Qorovulbozor kasb-hunar maktabiga qabul qilinishi koʻzda tutildi. Ishchi guruh aʼzolari bu masalalar boʻyicha qayta oʻrganishlar olib borishga kelishib oldilar. Shu bilan bir qatorda aholi murojaatlariga asosan yoshlarni boʻsh vaqtlarini mazmunli oʻtkazish maqsadida tuman“ Yoshlar ittifoqi” bilan bogʻlanib fan va boshqa toʻgaraklariga yoshlarni qamrovini kuchaytirishga kelishildi va nazoratga olindi. Shu bilan birgalikda MTMga kirib Bolajonlar uchun yaratilgan sharoitlar atroflicha “Boʻzachi” MFY hududida joylashgan MTMdagi tibbiyot xonalari ahvoli bilan tanishildi va kerakli koʻrsatmalar berildi tibbiyot xonalariga dori-darmon taʼminoti oʻrganildi.

Hududdagi tadbirkorlar doimiy ravishda “1+1”loyihasi doirasida yoshlarimizga tadbirkorlik va savdo-sotiq sirlarini beminnat oʻrgatib, ularni hayotda oʻz oʻrinlarini topishda koʻmaklashayotgani aniqlandi va ushbu jarayonni uzluksiz davom ettirish toʻgʻrisida ishchi guruh aʼzolari koʻrsatmalar berildi.
“Muammo bilan yuzma-yuz” loyihasi doirasida Qorovulbozor tumanida hududida yashovchi fuqarolarning muammolari ishchi guruh tomonidan ijobiy hal etib borilyapti.

Mohigul Rahimqulova
“Adolat” SDP Buxoro viloyat Kengashi matbuot kotibi.