Muammolar oʻz vaqtida bartaraf etilsagina saylovchi hayotidan rozi boʻladi

Mamlakatimizda inson qadrini ulugʻlash tamoyilini izchillik bilan amalga oshirishda partiyamiz faollari, deputatlari fidokorona xizmat qilishmoqda.

Maʼlumki, onkologik kasalliklar nafaqat dunyo boʻylab, balki mamlakatimizda ham insoniyat hayotiga raxna solib kelayotgani hech kimga sir emas.

Viloyat Kengashi deputati Tohir Palvanov yetakchiligidagi bir qator onkologlar tomonidan viloyat boʻylab chekka hududlarda istiqomat qilayotgan, onkologik kasalligiga chalingan kam taʼminlangan, boquvchisini yoʻqotgan “Ayollar daftari” roʻyxatida turgan   20 nafardan ziyod ayollarda bepul jarrohlik amaliyotini bajarib, bemorlarni sogʻlom hayotga qaytarishga erishildi.

Viloyat Kengashi deputatlik guruhining yana bir faol, saxovatpesha aʼzosi Baxtiyor Matyoqubovning ham doim saylovchilari orasida uchratish mumkin. Hududidagi kam taʼminlangan oilalarning yashash sharoiti doim deputatning diqqat markazida boʻlib kelgan. Uning homiyligida “Maʼnaviyat” mahallasida joylashgan 47-IDUM oʻquvchisi, kam taʼminlangan oila farzandi   shaxmat boʻyicha tuman miqyosida gʻolib boʻlgani munosabati bilan noutbuk sovgʻa qildi. Uning oʻsib kelayotgan yosh avlodni moddiy va maʼnaviy tomondan qoʻllab-quvvatlab kelayotganini koʻplab sanab oʻtish mumkin.

 Shuningdek, viloyat Kengashi deputati Ulugʻbek Quryazovning saʼy harakatlari bilan 10 nafar fuqaro Xonqa tumanidagi sut mahsulotlarini qayta ishlashga qaratilgan “Temur- Nazar” oilaviy korxonasiga, 7 nafar fuqaro “Milk Amir” xususiy korxonasiga ishga joylashtirildi hamda fuqaro Muxayyo Mayliyevaning onasi Zulayxo Otajonova bir necha yildan buyon yurak qon tomiri kasalligi bilan qiynalib kelayotgani, moddiy tomondan qiyinchiliklar boʻlayotgani toʻgʻrisidagi murojaati   deputat U.Quryazovning aralashuvi bilan Xonqa tuman byudjetidan 5 mln soʻm miqdorida moddiy yordam koʻrsatildi.

Viloyat Kengashi deputatlik guruhining yana bir faol aʼzosi Qudrat Jumaniyozov ham mutaxassisligidan kelib chiqib. saylovchilarining salomatligiga juda katta eʼtibor qaratgan. Xususan deputat Urganch shahridagi “Yuqori bogʻ”, “Gulshan”, “Hamjihatlik” “Saxovat”, “Jambul”, “Binokor” va “Olma bogʻ” mahallalarida yashovchi saylovchilari orasida muntazam tibbiy koʻriklar tashkil etib kelmoqda. Uning homiyligida joriy yilda 40 nafardan ziyod oilalarga moddiy koʻmak qilindi.

Bogʻot tuman Kengashi deputati Shermat Matchanov deputatlik faoliyatini yangi boshlaganiga koʻp vaqt oʻtmay, saylovchilarining hurmat- eʼtiboridan joy olib ulgurdi. “Nayman” mahallasidagi markaziy yoʻlning yaroqsizligidan mahalla ahlini koʻpdan qiynab kelayotgan edi. Deputat Shermat Matchanovning saʼy harakatlari bilan yoʻlning 2 km uzunligiga shpes tosh yotqizildi va fuqarolar yoʻl muammosidan xolos boʻldi. Tuman Kengashi deputati Otajon Matniyazov “Yuksalish”, “Navbahor” mahallalarida oʻtkazgan yoshlar bilan uchrashuvida ishtirokchi yoshlar bir qator murojaat va takliflar bilan ishtirok etishdi. Tadbirkorlik qilish istagi borligini bildirib, tikuv mashinasi soʻragan Mahfuza Safarovaning murojaati joyning oʻzida ijobiy hal boʻldi. Murojaatchi zamonaviy, yangi rusumdagi tikuv mashinalik boʻldi va ayni damda tadbirkorlik qilish maqsadi amalga oshdi. Qolgan yoshlarning tadbirkorlik, kredit, bandlik masalalari boʻyicha istaklari ham deputat aralashuvi bilan qanoatlantirildi.

“Shovot” mahallasidagi Jaloliddin Manguberdi va Komiljon Otaniyozov koʻchalarining kesishgan joyida suv quvurining yorilib ketgani sabab, toza ichimlik suvi isrof boʻlayotgani toʻgʻrisidagi Shovot tuman Kengashi deputati Feruza Yusupovaga qilgan murojaatlari ham tezkor hal etildi, isrofgarchilik bartaraf etildi. Shu mahalladagi bir qator idora – tashkilotlarga eltuvchi “Usta Sodiq” koʻchasi yoʻlining nosozligi toʻgʻrisidagi saylovchilar tomonidan bayon etilgan masala ham deputatning muammo yuzasidan tegishli tashkilotga chiqargan soʻrovi 3-chorakda ijobiy amalga oshirilishi toʻgʻrisidagi javob xati bilan qanoatlantirildi va mazkur masala deputat tomonidan nazoratga olindi. Shuningdek, tumandagi “Yangi turmush” va “Oltin qalʼa” mahallalarini bogʻlab turadigan koʻprikni taʼmirlash ishlari toʻxtab qolgani bois, yoʻlovchilarga muammolar va noqulayliklar tugʻdirayotgan edi. Tuman Kengashi deputati Xursand Ismoilovning Xorazm viloyati “Avtomobil yoʻllari hududiy bosh boshqarmasi” rahbariga yoʻllagan deputatlik soʻrovi qanoatlantirildi va koʻprikda taʼmirlash ishlari davom ettirildi. Shuningdek, deputatning saʼy harakatlari bilan 300 nafardan ziyod ishsiz ayollar va yoshlar tumanda faoliyat yuritayotgan “UZTEX GROUP” masʼuliyati cheklangan jamiyati shaklidagi qoʻshma korxonasiga ishga joylashishida amaliy yordam berdi.

Urganch tuman “Gʻalaba” mahallasi aholisining toza ichimlik suvi hamda eski simyogʻochlarning muammosi yuzasida tuman Kengashi deputati D.Iskandarovaga qilgan murojaatlari eʼtiborga oldi va deputat tomonidan “Xorazm suv taʼminoti” MCHJ Urganch tuman filialiga va tuman elektr tarmoqlari korxonasiga yoʻllagan murojaati   qanoatlantirilib, mahallaga toza ichimlik suvi quvurlari tez kunda oʻtkazilishi hamda eski sim yogʻochlar yangisiga almashtiriladigan boʻldi.

Xiva tuman Kengashi deputati Otaxon Masharipovning saʼy harakatlari bilan kam taʼminlangan oilalar farzandlaridan 30 nafari tumanda faoliyat yuritayotgan “Chinobod qurilish” xususiy korxonasiga ishga joylashtirildi. Deputat homiyligida “Gandimiyon” mahallasida yashayotgan kam taʼminlangan, boquvchisini yoʻqotgan, ijtimoiy himoyaga muhtoj 25 ta oilaga muntazam oziq-ovqat mahsulotlari bilan taʼminlab, saxovat amallarini bajarib kelinmoqda. Tuman Kengashining yana bir faol deputati Maqsud Eshniyazovning saʼy harakatlari bilan aholini sogʻlomlashtirish ishlari faollik bilan olib borilmoqda. “N.Qubro” mahallasida yashayotgan saylovchilari orasida chuqurlashtirilgan tibbiy-koʻriklarning tashkil etilishi natijasida joriy yilda 37 nafar fuqaro vaqtida turli jiddiy kasalliklarga chalinishining     oldi olindi. Oʻn nafardan ziyod kam taʼminlangan oila aʼzolar boʻlgan bemorlarga dori-darmonlar bilan taʼminlashda yordam qilindi, 7 nafar bemor tuman tibbiyot markazida yotib davolanishiga koʻmak berildi, 3 nafar murojaatchi sogʻlomlashtirish muassasalari uchun yoʻllanma bilan taʼminlandi.

Urganch shahar Kengashi deputati Ravshanbek Jumaniyozovning saʼy harakati bilan “Yuqori bogʻ” mahallasida yashovchi saylovchilarining 22-maxsus ixtisoslashtirilgan maktabgacha taʼlim tashkiloti oldidagi yoʻlning yaroqsizligi toʻgʻrisidagi murojaati yuzasidan 400 m uzunlikdagi qismi asfaltlashtirildi. Shuningdek, deputat tashabbusi bilan mahalladagi eski simyogʻochlar 2023-yilning ikkinchi yarim yilligida 100% yangisiga almashtirish shahar elektr tarmoqlari korxonasi tomonidan   rejaga kiritildi. Deputat koʻmagi bilan joriy yilda 20 nafar fuqaro ish bilan taʼminlandi, 2 nafar bemorga viloyat tibbiyot markaziga yoʻllanma olib berildi, 1 nafar bemorda bepul jarrohlik amaliyoti oʻtkazildi, deputatning shahar hokimligiga qilgan murojaati orqali 6 nafar bemor dovalanishi uchun 4 mlndan 11 mlngacha mablagʻ bilan taʼminlandi.

Deputatlar tomonidan amalga oshirilayotgan ishlarni koʻplab misollar bilan keltirish mumkin. Yangilangan Konstitutsiyamizni hayotga tatbiq etilishida, Referendum va Oʻzbekiston Respublikasi Prezidenti saylovini yuqori darajada oʻtkazilishida deputatlarimizning faolligi sezilarli darajada qayd etildi.

Bir soʻz bilan aytganda, deputatlarning saylovchilari oldidagi burch va vazifasini sidqidildan ado etishlari, saylovchilarning oʻz hayotlaridan rozi boʻlib yashashlariga xizmat qilishi bilan bir qatorda, xalqimizning partiyamizga boʻlgan hurmat va ishonchini oshib borishida ahamiyatlidir.

                                                                                                  ZamiraAbdullayeva,

“Adolat” SDP Xorazm viloyat Kengashi matbuot kotibi.