Muammoning kichigi boʻlmaydi

“Adolat” SDPning “Yoshlar va xotin-qizlar bilan ochiq muloqot” loyihasi doirasida Oybek MFYda boʻlgan “Adolat” SDP Izboskan tuman kengashi ishchi guruhi aʼzolari xonadonlarda oʻtkazilgan suhbatlarda fuqarolarni qiynayotgan muammolarga eʼtibor qaratdilar. Mahalladagi kichik muammo ham muammo. Chunki uning zamirida inson bor. Shu sabab partiyadoshlarimiz bu masalaga masʼuliyat bilan qaramoqda.

Aniqlanishicha, shu MFYda yashovchilarni qiynayotgan muammolardan biri sovuq kunlarda suyultirilgan gaz baloni yetishmasligi.

“Uyimizni isitsak-da, ovqat pishirish uchun bu juda zarur”, deya faollarga yuzlangan uy bekalari haq. Shu sabab bu masala nazoratga olinib, masʼul idoralarga chiqildi. Natijada ijobiy yechim topildi.

Aholi bandligini taʼminlashda oilaviy tadbirkorlik eng ishonchli yoʻl. Buni fuqarolar tushunib yetib ulgurdi. Oybeklik Feruzaxon Usmonova ham oʻz oldiga ana shunday maqsad qoʻygan, tomorqasida issiqxona tashkil qilib sabzavot mahsulotlari yetishtirish niyatida.

MFYning hokim yordamchisi bu borada uni qoʻllab-quvvatladi. Qisqa fursatlarda issiqxona qurilib, xonadonda ish oʻrni yaratildi. Bundan F.Usmonovaning oilasidagilar ham xursand.

“Adolatchilar” shu kuni fuqarolarni qiynayotgan oʻndan ortiq muammolarni oʻrgandi. Aksariyati yechimini topdi.

“Adolat” SDP Andijon viloyat kengashi

Matbuot xizmati.