Mubinaxon -“Ashixara Karate” gʻolibi

Quva tumanida xushxabar tarqaldi. Fargʻona viloyati, Quva tumanidagi “Boyiston” MFY istiqomat qiluvchi 7 yoshli Mubinaxon Xasanova sportning “Ashixara Karate” yoʻnalishi boʻyicha musobaqalarga ishtirok etib, Osiyo chempionligini qoʻlga kiritdi. Bu kabi iqtidor egalarini qoʻllab –quvvatlash, yangi zafarlar sari undash maqsadida “Adolat” SDP Quva tuman Kengashi yosh adolatchilar qanoti raisi Gʻayratbek Mansur Mubinaxon istiqomat qiladigan xonadonga tashrif buyurdi. Qizaloqning ota –onasi va Mubinaxonni yutuqlari bilan qutlab, partiya nomidan esdalik sovgʻalarini topshirdi.

 Kelajakda Oʻzbekiston bayrogʻini yanada yuksaklarga koʻtarish orzusidaman-deydi Osiyo chempioni Mubinaxon.

Biz gʻolibamizga hamisha zafarlar hamroh boʻlishini tilaymiz.

“Adolat”SDP

Farg’ona viloyat kengashi Matbuot hizmati.