Nomzod bir ovozdan maʼqullandi

Joriy yilning 8 aprel kuni “Adolat” SDP Qonlikoʻl tumani Kengashining navbatdan tashqari VIII plenum majlisi oʻtkazildi. Plenumda partiyaning Qoraqalpogʻiston Respublikasi Kengashi raisi N.Qaipbergenov va Kengash aʼzolari hamda mahalliy Kengash deputatlari ishtirok etishdi.

Kun tartibidagi tashkiliy masala yuzasidan hududiy kengash raisi N.Qaipbergenov soʻzga chiqib, partiyaning Qonlikoʻl tumani Kengashi aʼzosi Xudoybergenova Nilufar Ahmedovna nomzodini partiyaning Qonlikoʻl tuman Kengashi raisi lavozimiga tavsiya qildi.

Nomzod Kengash aʼzolari tomonidan bir ovozdan maʼqullanib, partiyaning Qonlikoʻl tuman Kengashi raisligiga saylandi.

Shundan soʻng konstruktiv va ochiq muloqot ruhida oʻtgan plenum yakunida “Adolat” SDP Saylovoldi dasturida belgilangan vazifalarni amalga oshirish boʻyicha ustuvor vazifalar belgilanib, tegishli qarorlar qabul qilindi.

Oʻzbekiston “Adolat” SDP
Qoraqalpogʻiston Respublikasi
Kengashi matbuot xizmati