Nomzodning ishonchli vakili piskentlik saylovchilar bilan uchrashdi

Oʻzbekiston Respublikasi Prezidentligiga “Adolat” sotsial-demokratik partiyasi tomonidan koʻrsatilgan nomzod Robaxon Maxmudovaning Toshkent viloyatidagi ishonchli vakili Gulnora Axmedova saylovoldi tashviqotini Piskent tumanidagi saylovchilar bilan davom ettirdi.

Tadbir davomida Prezidentlikka nomzod Robaxon Maxmudovaning ishonchli vakili Gulnora Axmedova tomonidan yigʻilganlarga nomzodning saylovoldi dasturi haqida ishtirokchilarga batafsil maʼlumot berdi.

Taʼkidlanganidek, “Aqlli tibbiyot” tizimini shakllantirish, jamiyatda oʻqituvchilar maqomini oshirish, subsidiyalar berish tizimini yanada takomillashtirish va maqsadli ishlatilishi ustidan jamoatchilik nazoratini kuchaytirish, bojxona va soliq imtiyozlarini takomillashtirish, imtiyozlarni aniq sohalarga berish, hududlar oʻrtasidagi iqtisodiy bir xil oʻsishni taʼminlash, barcha tuman va shaharlarni bir maromda rivojlantirishga qaratilgan gʻoyalar ilgari surilayotganligi aytib oʻtildi.

“Adolat” SDP

Toshkent viloyat kengashi Matbuot  xizmati.