Nomzodning ishonchli vakili Nurobodliklar bilan uchrashdi

“Adolat” sotsial-demokratik partiyasidan Prezidentlikka nomzod Robaxon Maxmudovaning Samarqand viloyatidagi ishonchli vakili Muzaffara Abdiyeva Nurobod tumani 18-son bolalar musiqa va sanʼat maktabida saylovchilar bilan uchrashdi.

Uchrashuvda ishonchli vakil saylovchilarni nomzodning tarjimai holi va Saylovoldi dasturi bilan yaqindan tanishtirdi.

Taʼkidlanganidek, nomzod dasturida tibbiyot xodimlarining maqomini qonun bilan belgilash, ularning ijtimoiy himoyasini kuchaytirish va ularga nisbatan turli tazyiqlarning oldini olish maqsadida qonunchiligimizni yanada takomillashtirish, tibbiyot sohasida malaka oshirishning markazlashgan tizimini qayta koʻrib chiqib, malaka oshirishni ixtisoslashgan markazlarda va viloyatlarda tashkil etishga oid ustuvor maqsad va vazifalar ilgari surilmoqda.

Shuningdek, ishlab chiqarishning haqiqiy manbai boʻlgan muhandis, texnolog va boshqa mutaxassislarning sonini koʻpaytirish va malakasini oshirish hamda qayta tayyorlash choralarini koʻrish nomzod dasturidan oʻrin olgan muhim vazifalardan biridir.

Fikr va mulohazalarga, taklif va tavsiyalarga boy boʻlgan uchrashuv soʻngida Robaxon Maxmudovaning Samarqand viloyatidagi ishonchli vakili Muzaffara Аbdieva saylovchilarning qiziqtirgan savollariga atroflicha, hayotiy misollar bilan asosli javoblar berdi.

“Adolat”SDP Samarqand viloyat Kengashi

Matbuot xizmati.