Oʻquvchilar salohiyatini roʻyobga chiqarish eʼtiborimiz markazida

“Adolat” SDP Siyosiy Kengashining topshirigʻiga binoan, partiyaning Xorazm viloyatidagi bir qator umumoʻrta taʼlim maktablarida ham   “Oʻzbekiston–30” strategiyasining 6-bandi bilan belgilangan umum oʻrta taʼlim muassasalarida yuqori sinf oʻquvchilarining qobiliyati va tanlovi asosida taʼlim jarayonlarini tashkil etish vazifasi ijrosini taʼminlash maqsadida partiyaning Urganch shahar Kengashi tomonidan tegishli fanlar boʻyicha mutaxassislardan tarkib topgan ishchi guruh tuzildi va shaharda faoliyat olib borayotgan 5 va 13-son umum oʻrta taʼlim maktablarida oʻrganish ishlari olib borildi.

Oʻrganishlar dastavvaliga, mazkur strategiyada yuqorida belgilangan vazifa doirasida maktablarda tayanch oʻquv rejasi hamda amalda mavjud sinflarda kimyo-biologiya, fizika-matematika, ona-tili- chet tili, matematika – chet tili yoʻnalishida oʻquv rejasini ishlab chiqish va amaliyotga joriy etish hamda 2023-2024 oʻquv yilida respublikaning 120dan ortiq umumiy oʻrta taʼlim maktablarida tajriba-sinov tariqasida tanlov fanlarini joriy qilish ustidan “Adolat” SDPga jamoatchilik nazorati oʻrnatish vazifasi belgilanganligi taʼkidlandi.

Shundan soʻng, ishchi guruh tomonidan olib borilgan oʻrganishlar jarayonida 5-son umum oʻrta taʼlim maktabida 10-A sinflar orasidan 32 nafar, 13 son umum oʻrta taʼlim maktabida esa 29 nafar oʻquvchi oʻz xohishiga binoan fizika-matematika yoʻnalishi boʻyicha oʻqish istaklariga asosan, maktabda 10-A sinf tashkil etilganligi va ushbu sinf oʻquvchilariga oliy toifali oʻqituvchilar tahsil berib kelayotgani aniqlandi.

                                                                                      Zamira Abdullayeva,

        “Adolat” SDP Xorazm viloyat Kengashi Matbuot kotibi.