Oʻtgan yil sarhisobi va kelgusi rejalar

Joriy yilning 29-mart kuni Oʻzbekiston “Adolat” SDP Qoraqalpogʻiston Respublikasi Kengashining navbatdagi IX plenum majlisi (Zoom) dasturi orqali onlayn tarzida oʻtkazildi. Unda partiya Qoraqalpogʻiston Respublikasi Kengashi tuman (shahar) Kengashi xodimlari, mahalliy Kengashi deputatlari, partiya faollari ishtirok etdi.

Plenumni Oʻzbekiston “Adolat” SDP Qoraqalpogʻiston Respublikasi Kengashi raisi N.Qaipbergenov ochib berdi va boshqarib bordi. Plenum kun tartibida uchta masala koʻrib chiqildi. Birinchi masala yuzasidan yaʼni, Oʻzbekiston “Adolat” SDP Qoraqalpogʻiston Respublikasi Kengashi Ijroiya Qoʻmitasining 2022 yildagi faoliyati va 2022-2026 yillarga moʻljallangan Yangi Oʻzbekistonning taraqqiyot strategiyasining “Insonga eʼtibor va sifatli taʼlim yili”da amalga oshirishga oid davlat dasturidan kelib chiqadigan 2023 yildagi ustuvor vazifalari toʻgʻrisida partiya Qoraqalpogʻiston Respublikasi raisi N.Qaipbergenovning maʼruzasi tinglandi.

Oʻtgan yilda koʻzda tutilgan ustuvor vazifalarni hayotga tatbiq etish maqsadida ishlab chiqilgan partiyaviy loyihalar doirasidagi amaliy ishlarga ham eʼtibor qaratildi. Buning natijasida partiyaning aholi orasiga kirib borishi va xalq bilan bevosita muloqot oʻrnatishi taʼminlandi. Hisobot davrida barcha shahar va tuman Kengashlar tomonidan amalga oshirilgan ishlar monitoringi yuritilib, ular asosida Kengashlarning tashkiliy-mafkuraviy faoliyati muvofiqlashtirilgan holda, 2022 yil davomida jami 48 ta boshlangʻich partiya tashkilotlari yangidan tashkil etilgan boʻlib, partiya safiga 5 mingga yaqin yangi aʼzolar qabul qilindi.

Oʻtkan 2022 yil davomida Qoraqalpogʻiston Respublikasi Joʻqorgʻi Kengesidagi partiyamiz fraksiyasi 2 ta masala, Xalq deputatlari shahar, tuman Kengashlaridagi partiya deputatlik guruhlari tomonidan sessiya majlislari kun tartiblariga jami 102 ta masala kiritildi. Shundan soʻng, plenumda Oʻzbekiston “Adolat” SDP Qoraqalpogʻiston Respublikasi Kengashining Oʻzbekiston Respublikasi Konstitutsiyaviy qonuni loyihasi boʻyicha Oʻzbekiston Respublikasi referendumidagi ishtiroki toʻgʻrisida masalalar koʻrib chiqildi.

Plenum yakunida tegishli vazifalar belgilanib, qarorlar qabul qilindi.

O'zbekiston «Adolat» SDP

Qoraqalpog'iston Respublikasi

Kengashi matbuot xizmati.