Oʻz kelajagim uchun ovoz beraman!

Hozirda 30-aprel kuni oʻtkaziladigan referendumning targʻibot ishlari ayni qizgʻin pallada. Men ham mazkur jarayonlarning faol ishtirokchisi sifatida yangi Konstitutsiyamizda belgilangan keng imkoniyatlar bilan tanishib, Oʻzbekiston “Adolat” SDPning targʻibot tadbirlarida ham faol ishtirok etib kelmoqdaman.

Yangilanayotgan Konstitutsiyamizda yoshlarga oid qator normalar oʻz ifodasini topmoqda. Alohida bir bobning oila, bolalar va yoshlar masalasiga bagʻishlangani yurtimizda yoshlar huquqlarini himoya qilishga qanchalik eʼtibor qaratilayotganini koʻrsatadi.

Eʼtiborimni tortgani Konstitutsiyamizning yangi qonun loyihasining 79-moddasida Davlat yoshlarning shaxsiy, siyosiy, iqtisodiy, ijtimoiy, madaniy, ekologik huquqlari himoya qilinishi va intellektual, ijodiy, jismoniy va axloqiy jihatdan shakllanishi hamda rivojlanishi uchun barcha zaruriy shart-sharoitlar yaratishi belgilangan. Ushbu moddada davlat oʻziga oʻta muhim majburiyatlarni olgan holda, yoshlarning taʼlim olishga, sogʻligʻini saqlashga, uy-joyga, bandlik va dam olishga boʻlgan huquq va erkinliklarining yanada mustahkamlanishi endilikda asosiy qomusimizda qonun bilan belgilangan.

Shunday ekan bugungi islohotlar zamirida mening va men kabi oʻz tengdoshlarimning har tomonlama yetuk, bilimli, komil inson sifatida oʻz kelajagimizni yaratishimiz uchun imkoniyatlar eshigi oldida turar ekanmiz albatta, bu meni zamon bilan hamnafas va hamqadam boʻlishga oʻz kelajagim uchun ovoz berishga chorlaydi.

Sultaniyazova Zayfuna,
Qoraqalpoq davlat universiteti Qoraqalpoq
filologiyasi va jurnalistika fakulteti 2-kurs talabasi