Oʻzbekiston – 2030” – xalq eʼtirofida

Fargʻona davlat universitetining Tabiiy fanlar fakultetida “Oʻzbekiston – 2030” strategiyasi mazmun-mohiyatiga bagʻishlangan davra suhbati tashkil etildi. Unda oliygoh talabalari, yosh adolatchilar qanoti aʼzolari, partiya faollari va jamoatchilik vakillari ishtirok etdilar. Unda soʻz olgan “Adolat” SDP Fargʻona viloyat Kengashi raisi Shahnoza Gʻaniyeva “Oʻzbekiston – 2030” strategiyasining jamiyatda qonun ustuvorligini taʼminlash, odil sudlovga erishish, iqtisodiyotning asosiy drayveri boʻlgan tadbirkorlikni yanada rivojlantirish, ijtimoiy sohada islohotlarni “inson manfaati eng ulugʻ maqsad” tamoyili asosida amalga oshirish kabi ustuvor masalalariga toʻxtalib oʻtdi.

Strategiyada mujassam etilgan Oʻzbekistonning barqaror iqtisodiy oʻsishi orqali daromadi oʻrtachadan yuqori boʻlgan davlatlar qatoridan oʻrin olishi; aholi talablariga va xalqaro standartlarga toʻliq javob beradigan taʼlim, tibbiyot va ijtimoiy himoya tizimini tashkil qilish gʻoyasi xalqimiz hayotida yanada yangi imkoniyatlarni yuzaga keltirishi bilan ahamiyatli, — deydi Shahnoza Gʻaniyeva. — Хalq xizmatidagi adolatli va zamonaviy davlatni barpo etish maqsadlari har birimizni yanada jipslashishga, ana shu ulugʻvor gʻoyalarni roʻyobga chiqarish yoʻlida astoydil mehnat qilishga undaydi.

Davra suhbati davomida Yangi Oʻzbekistonda yashayotgan xalqimizning oʻz hayotidan rozi boʻlib, shukronalar bilan yashashiga xizmat qiluvchi hujjat yuzasidan savol –javoblar boʻlib oʻtdi.

“Adolat” SDP

Fargʻona viloyat kengashi Matbuot xizmati.