“O‘zbekiston - 2030” – xalqimiz farovonligi yo‘lida muhim omil

Bugungi kunda mamlakatimizda insonlarning huquq va manfaatlarini ta’minlash, ularning qadr-qimmatini yuksaltirish kabi muhim g‘oyalar asosida  barpo etilmoqda. Yurtboshimiz tomonidan bunday ulug‘vor maqsadlarni amalga oshirish borasida qilinayotgan ishlar natijasi o’laroq har bir fuqarolarimiz yangidan-yangi islohotlarning haqiqiy yaratuvchisiga aylanib bormoqda. Yurtboshimiz tomonidan “O‘zbekiston - 2030” strategiyasi to‘g‘risida”gi Farmonning imzolanishi ham mamlakatimiz rivoji va taraqqiyoti yo‘lida yana bir muhim odim bo‘ldi.

“O‘zbekiston - 2030” strategiyasida mamlakatimizni rivojlantirishning 5 ta ustuvor yo‘nalishi doirasida mamlakatimizning porloq kelajagiga yo‘naltirilgan 100 ta maqsadlarga erishish nazarda tutilmoqda.

Mazkur strategiyada ta’lim, aholi salomatligi, kambag‘allikni qisqartirish, atrof muhitni muhofaza qilish, jamoatchilik boshqaruvini takomillashtirish, qonun ustivorligini ta’minlash, mamlakatimiz xafvsizligi va mudofaa salohiyatini kuchaytirishga qaratilgan keng ko‘lamli va samarali tadbirlarni amalga oshirish belgilangan.

Shu bilan birgalikda, yoshlarga oid davlat siyosati va sport yo‘nalishlari, ma’naviy taraqqiyotni ta’minlash va madaniyat sohasini yangi bosqichga olib chiqish, barqaror iqtisodiy o‘sish orqali aholi farovonligini ta’minlash, suv resurslarini tejash, xalq xizmatidagi davlat boshqaruvini tashkil etish, ochiq, pragmatik va faol tashqi siyosat olib borish kabi islohotlar amalga oshirish ko‘zda tutilgan.

Muxtasar aytganda, “O‘zbekiston -2030” strategiyasi mamlakatimiz iqtisodiyotining barqaror o‘sishi, aholi turmush farovonligining yanada yuksalishiga xizmat qilishi bilan muhim va tarixiy ahamiyatga egadir.

Oftoboy NISHONOVA,

Xalq deputatlari Jizzax shahar Kengashi deputati