O‘zbekiston “Adolat” SDP barcha yurtdoshlarmizni 9 - may - Xotira va qadrlash kuni bilan samimiy tabriklaydi.

Vatanimiz tinchligi, yurtimiz farovonligi yo‘lida kurashgan ota-bobolarimiz, ayovsiz urushning qonli maydonlarida qurbon bo‘lgan ajdodlarimizning xotirasi qalbimizda mangu yashaydi. Xotira va qadrlash – xalqimizning asriy qadriyatlari, ulug‘ fazilatlaridan. El-yurtining tinchligi, osoyishtaligi, erki va ozodligi uchun kurashgan insonlar hamisha xalqimiz ardog‘idadir. Ana shunday mardlik va jasorat namunasini ko‘rsatganlarga, jang maydonlarida jonini fido qilgan bobolarimiz, sabr-bardosh bilan katta qiyinchiliklarni yengib o‘tgan nuroniy momolarimizni sharaflash, xotirasini abadiylashtirish, ularga g‘amxo‘rlik va e’tibor ko‘rsatish xalqimizning azaliy qadiryatlaridandir.