Oʻzbekiston “Adolat” SDP Buxoro viloyat Kengashining navbatdan tashqari     XI-Konferensiyasi

Barchamizga maʼlumki, joriy yilda mamlakatimiz hayotida muhim siyosiy tadbir — muddatidan oldin Oʻzbekiston Respublikasi Prezidenti saylov boʻlib oʻtadi.

2023 yil 12 may kuni boʻlib oʻtgan Plenumda Oʻzbekiston “Adolat” SDP tomonidan Oʻzbekiston prezidentligiga nomzod koʻrsatish masalasini partiyaning navbatdagi XI Qurultoyi muhokamasiga kiritish boʻyicha qaror qabul qilingan edi.

Bugungi kunda "Adoolat" SDPning shahar va tuman Kengashlari tomonidan joylarda hududiy partiya Konferensiyalari oʻtkazilgan boʻlib, ularda viloyat Konferensiyada delegatlar va ular orasidan partiyaning XI Qurultoyda qatnashadigan delegatlar saylanmoqda.  Shu jumladan “Adolat” SDP Buxoro viloyat Kengashining ham  navbatdan tashqari   XI-Konferensiyasi bo'lib o'tdi.

Bugungi kunda “Adolat” SDP Buxoro viloyat Kengashi tarkibida 20970 nafar maslakdoshlarni oʻz saflariga biriktirgan 614 ta boshlangʻich partiya tashkiloti faoliyat olib bormoqda. Ushbu BPTlarda partiyaviy loyihalarni munosib darajada ijro etayotgan, aholi muammolarini aniqlash va ularga maqbul yechim topishda faollik koʻrsatayotgan hamda partiya gʻoya va mafkuralarini joylarda targʻib qilayotgan aʼzolar koʻpchilikni tashkil qiladi.

Qizgʻin muhokamalardan soʻng Oʻzbekiston “Adolat” SDP ning maqsad va vazifalarini keng targʻib qilishda, partiya tashkilotlari oʻtkazadigan tadbirlarda ishtirok etib, oʻz fikr-mulohazalarini erkin bildirishda faol boʻlgan partiya aʼzolari va faollaridan 5 nafari delegat etib saylandi. Shu asnoda delegatlar partiyaning oʻtkaziladigan XI Qurultoyda   ishtirok etish huquqini qoʻlga kiritdi.

Shuningdek, konferensiyada koʻrib chiqilgan boshqa masalalar yuzasidan tegishli qarorlar qabul qilindi.

Mohigul Rahimqulova,  

“Adolat”SDP Buxoro viloyat Kengashi matbuot kotibi.