Oʻzbekiston- huquqiy davlat deb belgilanadi

Oʻzbekiston Respublikasi Konstitutsiyaviy qonuni loyihasida Oʻzbekiston- huquqiy davlat deb belgilanmoqda va shu bilan bir qatorda sud huquq tizimiga ham alohida eʼtibor qaratilgan. Jumladan yangi tahrirdagi konstitutsiyaning 130-moddasida Oʻzbekiston Respublikasida odil sudlov faqat sud tomonidan amalga oshirilishi belgilab qoʻyilmoqda. 132- moddasida esa Konstitutsiyaviy sudning sudyalari qayta saylanish huquqisiz 10 yil muddatga saylanishi belgilangan. (Oʻzbekiston Respublikasi Konstitutsiyaviy sudi toʻgʻrisidagi qonunning 7- moddasida sudya vakolati muddati birinchi marta 5 yilni, navbatdagi saylanganida esa 10 yilni tashkil etishi belgilangan.) ushbu qonunning 136- moddasida Davlat sudyaning va uning oila aʼzolarining xavfsizligini taʼminlashi belgilanmoqda. Bu albatta sudyalarga boʻlgan yuksak ishonch va berilayotgan vakolatlaridan tashqari ularning hayoti uchun masʼulligidan dalolat beradi.

Aynan yana bir jihatiga eʼtibor qaratadigan boʻlsak ushbu yangi Konstitutsiyaviy qonunda alohida bob, yaʼni 24- bob Advakatura deb nomlanib, advokatlarning mavqeyini ularning masʼuliyatini oshirishga qaratilganligini yaqqol koʻrishimiz mumkin. Masalan 141-moddasida Advakatura faoliyati qonuniylik, mustaqillik va oʻzini oʻzi boshqarish prinsiplariga asoslanishi belgilab qoʻyilgan boʻlsa, 142- moddasida advokat, uning shaʼni, qadr qimmati va kasbiy faoliyati davlat himoyasida boʻlishligi va qonun bilan muhofaza qilinishi belgilab qoʻyilgan hamda shu bilan bir qatorda 141 moddasida jismoniy va yuridik shaxslarga malakali yuridik yordam koʻrsatish uchun advokatura faoliyat koʻrsatishi belgilanganligi bu fuqarolar uchun qulay hisoblanib ularning advokat xizmatidan samarali foydalanishlari uchun xizmat qiladi.

Inobat Boboqulova,

Xalq deputatlari Samarqand viloyat Kengashi deputati.