“Oʻzbekiston kecha va bugun”, “Insonga eʼtiborli yurt yoshlari zamon bilan hamnafas”

Boʻka tumanida “Oʻzbekiston kecha va bugun”, “Insonga eʼtiborli yurt yoshlari zamon bilan hamnafas” mavzusida maʼnaviy-maʼrifiy tadbir boʻlib oʻtdi. Tadbirda Oʻzbekiston “Adolat” SDP Toshkent viloyati Kengashi mafkuraviy ishlar boʻyicha bosh mutaxassisi Sevdo Jalolxonova, partiyaning Boʻka tuman Kengashi raisi Xurshida Abidova, tuman hokimligi, mutasaddi tashkilotlar, mahalla aholisi, partiya faollari, yoshlar ishtirok etishdi. Tadbirda soʻz olganlar mustaqillik ulugʻ neʼmat ekanligi, davlatimiz tomonidan yoshlarni har tomonlama qoʻllab-quvvatlash va ularga berilayotgan eʼtibor, yaratilayotgan sharoitlar, yurtimizda olib borilayotgan oqilona siyosat va amaliy islohotlar tufayli mamlakatimiz xalqaro maydonda obroʻ qozonib oʻz oʻrniga ega boʻlib butun dunyo eʼtirof etayotganligi, mamlakatimizda aholi salomatligi, yoshlarning ijtimoiy faolligi, Yangi Oʻzbekistonni barpo etish va Uchinchi Renessans poydevorini yaratishda ulkan ishlar boshlanib yuborilganligi, jamiyat qurilishi va davlat siyosati “inson-jamiyat-davlat” tamoyili asosida olib borilayotganligi toʻgʻrisida taʼkidlab oʻtishdi.

Tadbir xursandchilikda koʻtarinki ruhda boʻlib oʻtdi. Ishtirokchilar mavzu yuzasidan oʻz fikr mulohazalarini bildirdilar.

Tadbir yakunida ishtirokchilarga Oʻzbekiston “Adolat” SDP Toshkent viloyati Kengashining tashakkurnomalari va esdalik sovgʻalari topshirildi.

“Adolat” SDP Toshkent viloyati Kengashi Matbuot xizmati.