O'zbekiston Respublikasi Prezidentligiga "Adolat" sotsial-demokratik partiyasidan ko'rsatilgan nomzod Robaxon Maxmudovaning Buxorodagi ishonchli vakili Maqsud Hamidovning saylovchilar bilan uchrashuvi

Saylovlar har bir fuqaroning hayotida muhim ahamiyat kasb etadi. Mana shu munosabat bilan joylarda nomzodlarning viloyatlardagi ishonchli vakillari  saylovchilar bilan uchrashuvlari bo’lib o’tmoqda. Shu kabi uchrashuvlardan biri Buxoro shahridagi ixtisoslashtirilgan san'at maktabining faollar zalida O'zbekiston Respublikasi Prezidentligiga "Adolat" sotsial-demokratik partiyasidan ko'rsatilgan nomzod Robaxon Maxmudovaning Buxorodagi ishonchli vakili Maqsud Hamidovning saylovchilar bilan uchrashuvi bo'lib o'tdi.

Uchrashuvda partiyaning mahalliy Kengash deputatlari, ta'lim sohasi vakillari, mahalla faollari, nuroniylar,  saylovda ilk bor qatnashuvchi yoshlar, hamda ommaviy axborot vositalari vakillari,  jurnalistlar ishtirok  etishdi.

Uchrashuni nomzodning Buxorodagi ishonchli vakili, “Adolat” SDP  Buxoro viloyat Kengashining raisi Hamidov Maqsud Amonvich kirish so’zi bilan ochib berdi.

Ishonchli vakil nomzodning tarjimai holi, uning faoliyati va saylov oldi dasturida ilgari surilgan g’oyalar, asosiy masalalarni saylovchilar e’tiboriga havola etdi.

Nomzodning saylov oldi dasturda belgilangan ustuvor vazifalar ham mamlakatimizda xotin qizlarimiz bandligini ta’minlash, mehnat sharoitlarini yaxshilash, xotin-qizlar ayniqsa , qishloq joylardagi ayol-qizlarni oilaviy va xususiy tadbirkorlikka jalb etishga alohida e’tibor  qaratilgani bilan ishtirokchilar diqqat markazidan joy oldi.

 Uchrashuv fikr va mulohazalarga, taklif va tavsiyalarga  boy tarzda o’tdi.

Mohigul Rahimqulova,

“Adolat” SDP Buxor viloyat Kengashining matbuot kotibi.