OAVda yanada ochiqlik

Jamiyat rivojini hamma vaqt ommaviy axborot vositalarisiz tasavvur qilib boʻlmaydi. OAV nafaqat oʻz oynamiz, shu bilan birga hayotimizdagi muammolarni jamoatchilikka koʻrsatish va yechimini topishda ham katta rol oʻynaydi. Shu maʼnoda Konstitutsiyaga “Ommaviy axborot vositalarining faoliyatiga toʻsqinlik qilish yoki aralashish qonunga muvofiq javobgarlikka sabab boʻladi” normasi kiritilmoqda.

Toʻgʻri, amaldagi Konstitutsiyamizning 67-moddasida senzuraga yoʻl qoʻyilmasligi koʻrsatilgan. Endilikda bunga qoʻshimcha sifatida 82-modda bilan “Ommaviy axborot vositalarining faoliyatiga toʻsqinlik qilish yoki aralashish qonunga muvofiq javobgarlikka sabab boʻladi”, deya yanada mustahkamlanmoqda. Bu bilan ommaviy axborot vositalarining faoliyatiga toʻsqinlik qilish yoki aralashish qonunga muvofiq davlat siyosati darajasiga koʻtariladi.

Sir emas keyingi yillarda Oʻzbekiston jurnalistikasida ham katta oldinga siljish kuzatilyapti. Fuqarolar eng ishonchli institut sifatida qaramoqda. Biroq ayrim jurnalistlar turli toʻsiqlarga duch kelayotgani ham bor gap. Ochiqlik siyosatiga koʻnika olmayotgan baʼzi mansabdorlar endi qonun asosida OAVni kerakli maʼlumotlar bilan taʼminlashga majburdir.

Bu borada adolat va yana adolat uchun kurashuvchi bizning partiyamiz ham ularni qoʻllab-quvvatlaydi. Qolaversa, 81-moddada koʻrsatilganidek “Ommaviy axborot vositalari erkindir va qonunga muvofiq ish olib boradilar. Davlat ommaviy axborot vositalari faoliyatining erkinligini, ularning axborotni izlash, olish, undan foydalanish va uni tarqatishga boʻlgan huquqlari amalga oshirilishini kafolatlaydi. Ommaviy axborot vositalari oʻzi taqdim etadigan axborotning ishonchliligi uchun javobgardir”.

OAV chinakam xalq minbari. Undan qay darajada samarali foydalanish oʻz qoʻlimizda.

Maloxatxon Musayeva,

“Adolat” SDP Andijon viloyat kengashi raisi oʻrinbosari.