Odam buyumdek sotib yuborilsa...

08.07.2021 04:07:49

Navoiy viloyat IIBga hamtovoqlari ichida «Goʼzal» laqabi bilan tanilgan navoiylik ayol viloyat hududida istiqomat qiluvchi qizlarni shahvoniy xizmatlar uchun Turkiya davlatiga joʼnatishga hozirlik koʼrayotgani haqida maʼlumot kelib tushdi. Shundan soʼng viloyat IIB va EQKB xodimlari tomonidan oʼtkazilgan tezkor tadbir davomida u Qiziltepa tumani “Saroy” MFYda yashovchi, 1991 yilda tugʼilgan fuqaro K.Tni Qirgʼiziston Respublikasining Bishkek shahri orqali Turkiya davlatiga olib ketib fohishalikka yollash maqsadida Аndijon viloyati Paxtaobod tumani «Madaniyat» xalqaro chegara oʼtkazish punkti orqali olib oʼtib ketmoqchi boʼlgan vaqtida daliliy ashyolar bilan ushlandi...

Vladivostok shahrida faoliyat yuritib kelayotgan «Vostok-Buxara» masʼuliyati cheklangan jamiyati rahbari, oʼzbekistonlik А.Аzizov hamda mamlakatimizning Vladivostok shahridagi Bosh konsulxonasi hamkorligida Uzoq Sharq federal okrugi hududlarida turli sabablarga koʼra, moliyaviy qiyin ahvolga tushib qolgan 9 nafar yurtdoshimiz (3 nafari yosh bola) Vladivostok-Buxoro yoʼnalishi boʼyicha tashkillashtirilgan charter aviareysi orqali bepul Oʼzbekistonga qaytarildi...

Ijtimoiy tarmoqlarda yuqoridagi kabi mazmunda tez-tez materiallar eʼlon qilinib turibdi. Аlbatta, ular har birimizni tashvishga solmay qoʼymaydi. Chunki har bir shunday holat ortida inson taqdiri yotadi. Shuning uchun har birimiz mazkur illatga qarshi kurashga munosib hissa qoʼshishimiz darkor. Bunda targʼibot va tashviqotning ham ahamiyati katta.

Sayyoramizda bir qator global muammolar borki, bular sirasiga bevosita odam savdosi singari transmilliy jinoyatlarni ham kiritish mumkin. Yildan-yilga bu illatdan jabr chekayotganlar, uning qurboni boʼlayotganlar soni ortib bormoqda. Hudud va chegara bilmaydigan bu jinoyatning har biri jamiyat taraqqiyoti va davlatlar rivojiga jiddiy xavf tugʼdirmoqda. Odam savdosidek ogʼir jinoyat inson hayoti, erkinligi va huquqlarini poymol qilib, uning erki, taqdiri va kelajagini oyoq osti qilishi bilan oʼta jirkanch koʼrinishga ega.

Aytish lozimki, bugungi kunga kelib odam savdosining avj olishiga, yaʼni insonning qandaydir bir buyum sifatida, taʼbir joiz boʼlsa, oldi-sotdi obʼekti sifatida foydalanilishi, ularning huquq va erkinliklari poymol etilishiga olib kelmoqda.

Shunday ekan, biz yoshlar bunday illatlarga birgalikda kurashmogʼimiz va huquqimizni toʼgʼri anglamogʼimiz darkordir. Hushyorlik - davr talabi.

 

Nozima АKBАROVА,

Oʼzbekiston “Adolat” SDP Mingbuloq tuman Kengashi “Yosh adolatchilar” qanoti raisi, “Yoshlar parlamenti” aʼzosi.

+