Ogohlik davr talabi

“Adolat” SDP Dangʻara tuman Kengashi tomonidan “Farzandlari sogʻlom yurt qudrati boʻlur” loyihasi doirasida tegishli tashkilot mutasaddilari bilan hamkorlikda ogohlik tadbiri tashkil etildi.

Favqulodda vaziyatlar vazirligi mutaxassislari bergan maʼlumotlarga koʻra, joriy yilning oʻtgan 6 oyi mobaynida Oʻzbekiston hududida suvga choʻkib halok boʻlganlar 65 nafar fuqaroni tashkil etmoqda, shuning yarmidan koʻprogʻi voyaga etmagan bolalardan iborat. Aksariyat fuqarolar ehtiyotsizlik tufayli vafot etgan boʻlsa, ularning 12 nafari shunchaki hordiq chiqarish, choʻmilishga borib halok boʻlgan.

Tahlillardan ayonki, bolalarning suvda choʻkish holatlari koʻproq yoz mavsumida uchraydi. Chunki yoz mavsumida bolalar asosan ota-onalarining nazoratisiz qolib ketadi. Noxush holatlarni oldini olish uchun esa har birimiz masʼulmiz, -deydi “Adolat” SDP Dangʻara tuman Kengashi raisi Mohira Mamatqulova.

Tadbir ishtirokchilari oʻsib kelayotgan yosh avlodni favqulodda koʻngilsiz hollardan asrash uchun mahallalarda, aholi gavjum joylarda targʻibot tadbirlari oʻtkazib, ota –onalarni ogohlikka chorlamoqdalar.  

                                      “Adolat” SDP Fargʻona viloyat Kengashi Matbuot xizmati.