Oila muqaddas dargohdir

Davlatimizning oila muqaddasligi va uni tinchligini taʼminlashga qaratilgan sayi harakatlari, bugungi kunda oʻz natijalarini koʻrsatib kelmoqda. Bularning amali oʻlaroq, joylarda tashkil etilayotgan tadbirlar, yigʻilishlar hamda oilalar farovonligi yoʻlida oʻtkazilayotgan seminar treninglarni misol sifatida keltirish mumkin. 

Payariq tumanida tashkillashtirilgan tadbir ayni shu masalada boʻlib oʻtdi. Tadbirni partiyaning Payariq tuman Kengashi raisi T.Abdualimov kirish soʻzi bilan ochib, ushbu tadbirdan koʻzlangan asosiy maqsad oila mustahkamligi davlat va jamiyat eʼtibori markazida ekanligi va bunda mahallaning oʻrni beqiyosligini taʼkidlab oʻtdi.

Shundan soʻng Payariq tuman Oila va xotin-qizlar boʻyicha hokim oʻrinbosari G.Isroilova soʻzga chiqib Oila muqaddasligi va uning mustahkamligida ayollarning roli katta ekanligini eʼtirof etdi.

Soʻz olganlar oʻz maʼruzalari davomida quyidagilarni qayd etib oʻtdilar: Soʻnggi yillar ichida Oʻzbekiston demokratik rivojlanishning mutlaqo yangi bosqichiga qadam qoʻydi. Ushbu qisqa vaqt mobaynida 2022–2026-yillarda mamlakatimizni Taraqqiyot strategiyasi asosida ijtimoiy-iqtisodiy, siyosiy sohalarda jadal rivojlantirish, qator yangilanishlarni amalga oshirish, fuqarolik jamiyatining demokratik institutlari faolligini yanada yuksaltirish, jamiyat hayotining barcha jabhalarida ularning ishtiroki taʼminlashga eʼtibor qaratildi. 

Ayniqsa, bugun yurtimizda olib borilayotgan keng koʻlamli islohotlar natijasida mamlakatimizda hukm surayotgan tinchlik har qanday millat va xalqlar uchun havas qilarlik holat ekanligi qayd etildi.

Tadbirda soʻz olgan, xalq deputatlari Payariq tuman Kengashiga partiyamizdan saylangan deputat T.Toʻraqulova gender tenglik masalasiga alohida toʻxtalib oʻtdi. Bu borada mamlakatimizda olib borilayotgan keng koʻlamli islohotlar haqida aytib, davlatimizda yaratilayotgan imkoniyatlar, shart-sharoitlar, eng asosiysi inson qadri-qimmati, manfaatlarini har narsadan ustunligi ekanligini aniq va tushunarli tarzda izohlab berdi.

Ana shunday koʻtarinki ruhda oʻtkazilgan ushbu tadbir yakunida partiyamiz safiga kirish istagida boʻlgan 15 nafar yoshlar va xotin-qizlarga partiyaning aʼzolik biletlari topshirildi.

Oilalar mustahkamligi yoʻlida bajarilayotgan bugungi kundagi barcha chora tadbirlar, har bir mahallalarda tashkil etilishi kerak boʻlgan eng muhim mavzulardan biri ekanligi taʼkidlandi.

Mohina Abdiraximova,
“Adolat” SDP Samarqand viloyat Kengashi
mutaxassisi.