Oila — muqaddas qoʻrgʻon

Oʻzbekiston “Adolat” SDP Kegeyli tuman Kengashi tomonidan “Quyashli” MFY binosida “Oila-muqaddas qoʻrgʻon” mavzusida davra suhbati tashkil etildi.

Unda tuman Kengashi raisi A.Qaypov, Xalq deputatlari Kegeyli tumani Kengashi deputati A.Kamalova, partiyaning hududiy kengashi "Ayollar qanoti" aʼzolari va mahalla xotin-qizlari ishtirok etdi.

Davra suhbatida deputat Azima Kamalova soʻz olib oila toʻgʻrisidagi qonunchilikning maqsadi, oilani mustahkamlash, oilaviy munosabatlarni oʻzaro ishonch va hurmat ruhida shakllantirgan holda hamjihatlikda sogʻlom farzandlarni voyaga yetkazish hamda mamlakatimizda xotin-qizlarni har tomonlama qoʻllab-quvvatlashga qaratilgan islohotlar borasida keng tushunchalar berdi.

Deputat uchrashuv doirasida Oʻzbekiston “Adolat” SDP tomonidan tashkil etilgan “Bir adolatchi – yuz ayolga himoyachi” loyihasining mazmun-mohiyatiga ham keng toʻxtalib, ayniqsa, bolalikdan oʻsmirlik yoshiga qadam qoʻygan har bir oʻgʻil-qizlarimizning salomatligiga alohida eʼtibor berish lozimligi tushuntirdi.

Shundan soʻng uchrashuvda ishtirokchilarning siyosiy savodxonligini oshirish maqsadida yurtimizdagi soʻnggi xabarlar, ijtimoiy iqtisodiy jarayonlar toʻgʻrisida siyosiy oʻquv ham tashkil etildi.

Uchrashuv yakunida ishtirokchilarning fikr va mulohazalari tinglanib, mana shunday targʻibot-tashviqot hamda maslahat tadbirlarini doimiy oʻtkazib borish boʻyicha kelishib olindi.

Axmet Qaypov,

“Adolat” SDP Kegeyli tumani Kengashi raisi