Oliy Majlis Qonunchilik palatasi deputati Qodir Joʻrayev taʼlim muassasalarining yangi oʻquv yiliga tayyorgarligini koʻzdan kechirdi

Oliy Majlis Qonunchilik palatasidagi Oʻzbekiston “Adolat” SDP fraksiyachi aʼzosi Qodir Joʻrayev Vobkent tumanidagi maktablarning “2023 yil – Insonga eʼtibor va sifatli taʼlim yili” davlat dasturi ijrosini yaqindan oʻrgandi. Bunda xalq noibi 31- maktabda kuz-qish mavsumiga tayyorgarlik ishlarining borishi, energiya resurslari bilan uzluksiz taʼminlash boʻyicha belgilangan vazifalar hamda bu borada koʻrilayotgan chora-tadbirlarga eʼtibor qaratdi.

Bundan tashqari deputat, tuman xalq taʼlimi boʻlimi mudiri bilan birgalikda mazkur tumandagi 5-maktabda boʻlib, sinf xonalarining yangi oʻquv yiliga qanchalar shayligi, koʻmir zaxirasi shakllantirilayotganligini koʻzdan kechirdi. Ayni paytda yuqoridagi ikkala ilm maskanining issiqlik tizimi modernizatsiya qilish koʻzda tutilib, bu borada tegishli takliflar berildi.

Mohigul Rahimqulova,

“Adolat” SDP Buxoro viloyat Kengashi matbuot kotibi.