OMQP deputati saylov uchastkalari komissiya aʼzoligiga nomzodlar bilan uchrashdi

OMQP deputati M.Qurbonboyev referendum oʻtkaziladigan saylov uchastkalari komissiya aʼzoligiga nomzodlar bilan uchrashdi.Oliy Majlis Qonunchilik palatasi deputati M.Qurbonboyevning Xonqa tuman “Madaniyat” boʻlimida referendum oʻtkazuvchi uchastka komissiyalari aʼzoligiga munosib nomzodlarni tavsiya etish masalasi yuzasidan uchastka komissiya aʼzoligiga nomzodlar bilan uchrashuvi tashkil etildi.Uchrashuvda taʼkidlanganidek, referendum oʻtkaziladigan kunga qadar yoki referendum kunida oʻn sakkiz yoshga toʻlgan Oʻzbekiston Respublikasining har bir fuqarosi referendumda ishtirok etish huquqiga egadir. Oʻzbekiston Respublikasi hududidan tashqarida istiqomat qilayotgan yoki turgan Oʻzbekiston Respublikasining fuqarosi referendumda ishtirok etishga toʻla haqlidir. “Oʻzbekiston Respublikasining Referendum toʻgʻrisidagi Qonunining 8-moddasida Referendumga tayyorgarlik koʻrish va uni oʻtkazishga doir barcha tadbirlarda siyosiy partiyalardan, fuqarolarning oʻzini oʻzi boshqarish organlaridan, fuqarolar tashabbuskor guruhlardan kuzatuvchilar, ommaviy axborot vositalari vakillari, boshqa davlatlardan va xalqaro tashkilotlardan kuzatuvchilar qatnashish huquqiga ega boʻlib, vakolatlari tegishli hujjatlar bilan tasdiqlangan boʻlishi shart. Shuningdek, tadbir davomida kuzatuvchilar referendum uchastkalarida hozir boʻlishi tayyorgarlik ishlarining borishini, yashirin ovoz berish kabilarining yoki xonalarning joylashtirilishini va ovoz berish qutilarining muhrlanishini, fuqarolarning roʻyxatga olinishini, ovoz berish byulletenlarining ularga berilishini kuzatishi toʻgʻrisida belgilab qoʻyilgan qonunlar toʻgʻrisida kerakli koʻrsatmalar berildi.Ishtirokchilar qiziqqan savollariga soha mutaxassislaridan atroflicha javoblar olishdi.Shundan soʻng deputat yetakchiligidagi faollarning targʻibot safari Prezident taʼlim muassasalari agentligi Xonqa tuman ixtisoslashtirilgan maktabida davom etdi.

Ichki ishlar vaziri P. Babajanovning tashriflarining birida maktabning Referendumga tayyorgarligi va yashil makon loyihasi boʻyicha bir qator topshiriqlarni ilgari surgan edi. Shu munosabat bilan, topshiriq ijrosi yuzasidan oʻrganilganda maktab tevarak-atrofi obodonlashtirilgani, manzarali daraxt koʻchatlari ekilgani kuzatildi. Deputat maktab direktori Bekzod Saidov bilan suhbatlashib, koʻkalamzorlashtirish ishlarini davom etishni hamda referendumda maktab jamoasi bilan faol ishtirok etish masalasi yuzasidan suhbatlashdi. Tumanda bu kabi tadbirlar davom etmoqda.

Zamira Abdullaeva,

“Adolat” SDP Xorazm viloyat Kengashi matbuot kotibi.