Ona tabiatni sevsangiz koʻchat eking

Ayni kunlarda joylarda koʻchat ekish ishlari olib borilmoqda. Andijonlik “adolatchilar” ham bu tashabbusni qoʻllab-quvvatlab, manzarali daraxt koʻchatlari va gullar ekish bilan band.

Koʻcha va xiyobonlar, umumtaʼlim maktablari va maktabgacha taʼlim tashkilotlari hududidagi boʻsh yer maydonlariga turli manzarali va igna bargli koʻchatlar sxematik ekilayotgani quvonarli. Chunki bu yurt obodligi, tabiatning tozaligiga xizmat qilish barobarida kelajak avlodni ona tabiatga muhabbat ruhida tarbiyalashga xizmat qiladi.

Bekzod Mutallibov, “Yosh adolatchi”

-Butun respublikamiz boʻylab quloch yozgan bu xayrli ish doimiy davom etishi kerak. Oilamizda hamma gullarni parvarish qilishga qiziqadi. Obod joylar koʻpaysa dilingiz yayraydi. Shu sabab MFYlar va taʼlim muassasalariga 3000 tupdan ortiq xonadonimizda yetishtirilgan gul koʻchatlarini ulashdik. Yurt obodligiga hissa qoʻshganimizdan xursandmiz.

Endigi vazifa yangi oʻtqazilgan koʻchatlarni parvarishlab voyaga yetkazish, yoshlarda ona tabiatni sevishga, mehnat tarbiyasiga qiziqish uygʻotish. Bu borada joylarda partiya faollari targʻibot ishlarini olib bormoqda. Agar tabiatni sevsangiz siz ham koʻchat eking.

“Adolat” SDP Andijon viloyati kengashi

Matbuot xizmati.