“Ona va bola sogʻligʻiga eʼtibor”

“Adolat” SDP Kogon tuman Kengashi tomonidan Kogon tuman Niyozhoji MFY hududida Ona va bola sogʻligʻiga eʼtibor” mavzusida davra suhbati boʻlib oʻtdi.
Uchrashuvda “Adolat” SDP Kogon tuman Kengashi raisi, Xalq deputatlari tuman Kengashi deputati Vasila Qodirova hamda “Niyozhoji” MFY fuqarolari ishtirok etdilar.

Tadbirda Adolat” SDP Kogon tuman Kengashi deputati Vasila Qodirova soʻzga chiqib, mavzu yuzasidan fikrlarini bildirdi. “Ayol borki, olam munavvar. U mehribon uy bekasi, xonadon charogʻboni boʻlish bilan bir qatorda kelajagimiz boʻlmish yosh avlodni dunyoga keltiruvchi ona hamdir. Uning salomatligi jamiyatda sogʻlom muhitning yaratilishida asosiy omildir. Shu bois oila va jamiyatda reproduktiv salomatlikni mustahkamlash, jismonan va maʼnan barkamol avlodni tarbiyalash muhim ahamiyat kasb etadi. Mamlakatimizda onalar va bolalar salomatligini muhofaza qilish, zamonaviy tibbiy xizmat koʻrsatishga alohida eʼtibor qaratilmoqda.

Millatning kamoloti, mamlakat ravnaqi bevosita bu ikki insonning xotirjamligi, sogʻligʻiga bogʻliq. Qaysi yurtda onalar va bolalar baxtiyor boʻlib, kelgusi yangrasa bu vatanning ertangi kuni nurafshon boʻlishi aniq. Mamlakatimiz siyosatining ustuvor yoʻnalishlaridan biri ham ana shu onalar va bolalar salomatligini mustahkamlash, sogʻlom avlod tugʻilishi va uni tarbiyalash uchun kerakli shart-sharoitlarni yaratib berish hisoblanadi.”

Tadbir yakunida ishtirokchilarni qiziqtirgan savollariga deputat javob berdi.

Shexroz Norov,
Oliy Majlis Senati huzuridagi Yoshlar Parlamenti aʼzosi,

Xalq deputatlari Kogon tuman Kengashi deputati,

“Adolat” SDP Kogon tuman Kengashi raisi.