Partiya faoliyati muhokama qilindi

“Adolat” SDP siyosiy Kengashining Qoraqalpogʻiston Respublikasi Kengashida joriy yilning 9 oyi davomida amalga oshirilgan ishlari boʻyicha majlis boʻlib oʻtdi. Majlisda Partiyaning Qoraqalpogʻiston Respublikasi hamda shahar va tumanlardagi Kengashlari tomonidan oʻtgan davr mobaynida partiya elektorati manfaatlarini himoya qilish, Saylovoldi dasturida ilgari surilgan gʻoya va tashabbuslarni, qonunlarda belgilangan vakolatlarni amalga oshirish, hududlarni ijtimoiy-iqtisodiy rivojlantirish, joylarda aholini tashvishga solayotgan dolzarb masalalarga yechim topish kabi yoʻnalishlarda amalga oshirgan ishlari tahliliy koʻrib chiqildi.Taʼkidlab oʻtadigan boʻlsak, oʻtgan davr mobaynida partiyamiz safiga 2738 nafar yangi aʼzolar qabul qilingan boʻlsa, partiyaning Qoraqalpogʻiston Respublikasi Joʻqorgʻi Kengesidagi fraksiya va qoʻmita majlislarida, doimiy komissiya majlislarida jami 77 masala, sessiyalar kun tartibiga esa 80 masala kiritilib, ijobiy qarorlar qabul qilinishiga erishildi. Mafkuraviy yoʻnalishda oʻtgan davr mobaynida jami 763 ta turli yoʻnalishlarda va mavzularda tadbirlar tashkil etilib, ularga 22 186 ta ishtirokchi qamrab olindi.

Partiyamizning saylovoldi dasturi ijrosiga yoʻnaltirilgan “Muammo bilan yuzma-yuz” loyihasi doirasida 215 ta tadbir tashkil etilib 2026 ta xonadon, 215 ta xoʻjalik yurituvchi subyektlarga tashrif buyurildi, 219 ta aholi murojaatlari oʻrganilib, aynan ushbu murojaatlar asosida 21 deputatlik soʻrovlari yuborilgan. Natijada 126 masala ijobiy hal etildi, 93 ta masala boʻyicha huquqiy maslahatlar berildi.“Siyosiy-huquqiy bilimlarni mustahkamlash – demokratik jamiyat poydevori” loyihasi doirasida 213 tadbir, “Tozalik yoʻlida birlashaylik” loyihasi doirasida 49 ta tadbir, “Bir adolatchi yuz ayolga himoyachi” loyihasi doirasida 117 ta tadbirlar tashkil etilgan.“Bir oyda bir ish oʻrni” loyihasi boʻyicha jami 49 ta ish oʻrinlari yaratilgan.

Partiya tomonidan olib borilgan ijobiy ishlar bilan bir qatorda shahar va tuman Kengashlari tomonidan 9 oy davomida yoʻl qoʻyilgan ayrim kamchiliklar va eʼtiborsizliklar tanqid qilinib, yil oxiriga qadar yuqori natijalarga erishish yuzasidan fikr almashildi.

“Adolat” SDP Qoraqalpogʻiston Respublikasi Kengashi Matbuot xizmati.