Partiya fidoiylikni talab etadi

“Adolat” SDP Fargʻona viloyati Kengashi tomonidan partiya faoliyatini yanada rivojlantirish, xalq bilan hamnafas boʻlish, partiya aʼzolari safini kengaytirish kabi bir qator maqsadlarni oʻz oldiga qoʻygan holda seminar- treninglar muntazam ravishda tashkil etilmoqda. Bundan tashqari, viloyat Kengashi raisi Shahnoza Gʻaniyeva rahbarligidagi tajribali mutaxassislar hududlardagi tuman-shahar Kengashlari faoliyatini atroflicha oʻrgangan holda zaruriy koʻmak va tavsiyalarni doimiy ravishda berib borishmoqda. Mazkur oʻrganishlar qanday natija berdi? Mahalliy partiya tashkilotlarining ish samaradorligi, joylarda partiyaning quyi tizimi faoliyatlari qay darajada tashkil etilganligi, mafkuraviy va tashkiliy yoʻnalishda amalga oshirilgan ishlarni tahlil qilish, ish hujjatlarini yuritish tartibini oʻrganish, boshlangʻich partiya tashkilotlaridagi partiya aʼzolaridan tushayotgan aʼzolik badallarini qayta koʻrib chiqish va kamchiliklarni oʻrnida bartaraf etish yuzasidan Fargʻona shahar, Quva, Oltiariq, Bagʻdod, Dangʻara tumani partiya Kengashlarida olib borilgan oʻrganishlar yakuniga bagʻishlangan navbatdagi ijroiya qoʻmita yigʻilishi boʻlib oʻtdi.

Yigʻilish davomida kun tartibidagi masalalar muhokama etildi va tegishli qarorlar qabul qilindi.Partiya har bir xayrixoh va partiya aʼzolaridan faqatgina fidoiylikni kutadi. Shunday ekan, partiya safiga kirgan, unda faoliyat boshlagan inson borki, xalqni farovonligi, vatan ravnaqi yoʻlida samarali mehnat qilishi zarur.

Ijroiya qoʻmita yigʻilishi har bir masʼul zimmalariga aniq vazifalarni qoʻygan holda tegishli qarorlarni qabul qildi.

“Adolat” SDP

Farg’ona viloyat  kengashi Matbuot xizmati.