Partiya nufuzini oshirish yagona maqsadimiz

“Adolat” SDP Fargʻona viloyat Kengashi binosida viloyat Kengashining navbatdagi ijroiya qoʻmita majlisi boʻlib oʻtdi. Unda viloyat Kengashi mutaxassislari, shahar –tuman Kengashlari raislari ishtirok etdilar. Joriy yilning 9 oy davomida amalga oshirilgan ishlar tahliliga bagʻishlangan mazkur majlisda viloyat Kengashi raisi Shahnoza Gʻaniyeva hisoboti tinglandi.Oʻtgan davr mobaynida partiya xodimlarining malakasini oshirish, partiyaning Saylovoldi dasturida aks etgan maqsad va vazifalarni ommaga etkaza olish, partiya ishini toʻgʻri tashkillashtirishga koʻmaklashish maqsadida professorlar, fan doktorlari, malakali psixologlar, sotsiologlar hamda partiya tizimida koʻplab tajribaga ega insonlar ishtirokida joriy yilning may va avgust oylarida partiyaning barcha xodimlari uchun seminar-treninglar tashkil etildi. Bu tashabbuslar partiya faoliyatini yanada jonlantirishga xizmat qiladi.Joriy yilning 9 oyi davomida ehtiyojmand oilalarni ijtimoiy himoya qilish va ishsiz xotin -qizlar va yoshlarni bandiligini taʼminlash borasida ham samarali ishlar amalga oshirildi. 135 nafar fuqarolar partiya koʻmagida bandligi taʼminlandi.     

Deputatlarning saylovchilar bilan uchrashuvlari va targʻibot-tashviqot ishlari doirasida jami 1281 ta tadbir tashkil etildi. Natijada partiya aʼzolarining soni 22 559 nafardan 25471 nafarga etdi. Asosiy vazifalarimizdan yana biri – yangi boshlangʻich partiya tashkilotlarini tuzish hamda ularning atrofiga yangi aʼzolarni biriktirishdan iboratdir, -deydi “Adolat” SDP Fargʻona viloyat Kengashi raisi Shahnoza Gʻaniyeva.- Joriy yilning 1 choragida birorta BPT tashkil etilmagan boʻlsa, soʻnggi 6 oy davomida 24 ta yangi BPT tashkil etildi.

Oʻtgan davr mobaynida xalq deputatlari viloyat, tuman va shahar Kengashlaridagi jami 95 ta deputatlarimiz oʻz faoliyatlari davomida 161 ta Deputat soʻrovlari chiqarishgan.Viloyat Kengashi raisi Shahnoza Gʻaniyeva boshchiligida viloyat kengashining yetakchi mutaxassislari har haftada faoliyatida kamchiliklari mavjud boʻlgan hududlarga borib, partiya targʻibotini samarali yuritish, ish hujjatlarini tartibga keltirish, partiya saflariga yangi aʼzolarni qabul qilish, deputatlik guruhlarini jonlantirish boʻyicha uchrashuvlar hamda master-klasslarni oʻtkazib bormoqdalar. Albatta bu harakatlar oʻzining ijobiy natijalarini bermoqda.Shu bilan birga partiya shahar va tuman kengashlari tomonidan 9 oylik faoliyati davomida yoʻl qoʻyilgan ayrim sustkashliklar va eʼtiborsizliklar tanqid qilinib, yil oxiriga qadar yuqori natijalarga erishish borasida oʻzaro fikr almashildi. Kelgusi rejalar yuzasidan ijroiya qoʻmitaning tegishli qarorlari qabul qilindi.                                                      

Dilnoza Ermatova,  

“Adolat” SDP Fargʻona viloyat Kengashi mutaxassisi.