Partiya patronaji olimlarni tanladi

Oʻzbekiston “Adolat” SDP Andijon viloyati kengashi faollari safimizga yangi aʼzolarni qabul qilishda “Partiya patronaji” loyihasi doirasida jamoatchilik orasiga kirib bormoqda. Joylarda oʻtkazilayotgan partiya tadbirlarida bu masala bosh vazifaga aylanyapti.

Andijon davlat universitetida boʻlgan safdoshlarimiz Saylovoldi dasturimiz va bugungi kunda “Adolat” SDP tomonidan amalga oshirilayotgan ishlar xususida tushuncha berdilar. Siyosiy voqeliklar va fuqarolarning huquqiy madaniyatini yuksaltirishga alohida eʼtibor qaratilayotgani taʼkidlandi.

Tadbir ishtirokchilarida “adolatchilar”ga qiziqish uygʻondi. Shu joyning oʻzida 5 nafar olim va izlanuvchilar safimizga qoʻshildi.

Usmonjon Rahimov, filologiya fanlari nomzodi, dotsent:

-Chindan ham keyingi vaqtda respublikamizda siyosiy partiyalarning roli oshib bormoqda. Jumladan, “adolatchilar”ning faolligi havas qilarli. Jamiyatda qonun ustuvorligini taʼminlash borasidagi harakatlarini qoʻllab-quvvatlayman. Shu sabab men ushbu partiya safiga qoʻshilishga qaror qildim.

“Adolat” SDP

Andijon viloyati kengashi Matbuot xizmati.