“Partiya patronaji” safimizni kengaytirmoqda

“Adolat” SDP Andijon viloyat kengashi faollari tomonidan partiyadoshlarimiz safini kengaytirishga alohida eʼtibor qaratilmoqda. Ayni shu maqsadda “Partiya patronaji” loyihasi doirasida mehnat jamoalarida siyosiy tadbirlar tashkil etish barobarida yangi aʼzolar qabul qilinmoqda.

Loyiha asosida “UNITEL” MCHJ xorijiy korxonasi Andijon filialida oʻtkazilgan davra suhbatida siyosiy partiyalar faoliyati haqida soʻz bordi. Oʻz oʻrnida “Adolat” SDPning maqsad va gʻoyalari, partiyadoshlarimiz tomonidan amalga oshirilayotgan loyihalar yuzasidan maʼlumot berildi. Adolatli jamiyatni yaratish safdoshlarimizning bosh maqsadi ekanligi koʻrsatib oʻtildi.

Albatta, “Adolat”chilarning tanlagan yoʻli tadbir ishtirokchilarini befarq qoldirmadi. Shu joyning oʻzida filial direktori Muzaffar Yuldoshev boshchiligida 5 nafar korxona xodimlari safimizga qoʻshildi.

”Adolat” SDP Andijon viloyat kengashi
Matbuot xizmati.