Partiya saflari kengaymoqda

Buvayda tumanida bugungi kunda “Adolat” SDPning 22 ta boshlangʻich partiya tashkilotlari mavjud boʻlib, ularda 2347   fidoiy insonlar birlashgan. “Boshlangʻich partiya faoliyatining tashkiliy, huquqiy mexanizmlarini takomillashtirish – “Adolat” SDP faoliyatida muhim omil” mavzusidagi navbatdagi tadbir ham partiya fidoiysi, Buvayda tuman Kengashi raisi X.Turgʻunov tashabbusi bilan tashkil etildi.

Tumandagi 8-maktab direktori A.Usmonov va 41-maktab direktori E.Qosimov bilan oʻtkazilgan samimiy suhbat jarayonlarida partiya aʼzolari safini yanada kengaytirish, partiya saylov oldi dasturining ustuvor yoʻnalishlarini keng targʻib etish, jamiyatda adolat ustuvorligini taʼminlash maqsadida savdo rastalari va Markaziy dehqon bozorlarida va ishlab chiqarish tarmoqlarida vakolat doirasida nazorat tadbirlarini amalga oshirish borasida fikrlashdilar.

Shuningdek, yozgi taʼtil davrida oʻquvchilarning boʻsh vaqtlarini koʻngilli tashkil etish uchun mahalla raislari va yoshlar yetakchilari bilan uzviy hamkorlikni olib borish zaruriyati haqida soʻz yuritildi. Kelgusi rejalar belgilab olindi.

“Adolat” SDP Fargʻona viloyat Kengashi Matbuot xizmati.