Partiyamiz faollari oʻquvchilar orasida...

Maʼlumki, 4-sentyabr kuni mamlakatimiz boʻylab, oʻquv muassasalarida “Yangi hayot uchun, Yangi Oʻzbekiston uchun!” shior ostida “Bilimlar kuni” katta shodiyona bilan nishonlanmoqda.

Bugun, ertalabdan qalblarda Vatan tuygʻusini joʻsh urishga undovchi Vatanimiz madhiyasi bilan boshlangan tadbirlarda partiyamizning faollari, deputatlari ham faol ishtirok etib, oʻqituvchi va oʻquvchilarni yangi boshlangan oʻquv yili bilan qutlashdi va ularga omad tilashdi.

Jumladan, Urganch shahridagi 29-umum oʻrta taʼlim maktabiga partiyaning viloyat Kengashi bosh mutaxassisi Gulora Ismoilova, 19-umumoʻrta taʼlim maktabiga Urganch shahar Kengashi raisi, deputat Rustam Boltayev, Xiva shahar 9-son umum oʻrta taʼlim maktabiga Xiva shahar Kengashi deputati Mansur Mahmudov va boshqa partiyadoshlarimiz tashrif buyurib, Istiqlolimizning 32 yilligi keng nishonlangani, mamlakatimizda olib borilayotgan islohotlar, ayniqsa, yoshlarga berilayotgan imkoniyatlar, yaratilayotgan sharoitlar toʻgʻrisida soʻz yuritishdi va tadbir ishtirokchilariga yuksak parvozlar tilashdi.

                                                                                               Zamira Abdullayeva,

                                                                                                        “Adolat” SDP

                                                            Xorazm viloyat Kengashi matbuot kotibi.