Pastdargʻomning oqila ayollari bilan uchrashuvlar yanada maroqli boʻldi

Bugun jamiyatda yangi maʼnaviy makon yaratish, ezgu gʻoyalar, milliy qadriyatlar, urf-odatlar, muqaddas anʼanalarni singdirishga qaratilgan tizimli targʻibot- tashviqot ishlarini olib borish yuzasidan joylarda keng aholi qatlami bilan tadbirlar olib borilmoqda.

Mahallalarda oilalarni mustahkamlab, farzand tarbiyasida ota-onaning masʼuliyati, ibratli ota-ona boʻlishning ahamiyati, maʼrifatli jamiyatni qurishda maʼrifatli onalarning rolini keng targʻib qilib kelayotgan Pastdargʻomlik oqila ayollar bilan boʻlib oʻtgan galdagi uchrashuv juda maroqli oʻtdi.

Pastdargʻom tuman hokimiyat binosida Oliy Majlis Qonunchilik palatasi deputati Muzaffara Abdiyeva, xalq deputatlari viloyat Kengashiga partiyamizdan saylangan deputatlar va tuman Oqila ayollar targʻibot guruhi faollari, tuman deputatlari hamda partiya faollari ishtirokida boʻlib oʻtgan yigʻilishda Konstitutsiyaviy qonun loyihasining mazmun-mohiyati, xalqimiz uchun yaratilayotgan keng imkoniyatlar, barcha sohalarni qamrab olinginligi toʻgʻrisida maʼruzalar qilindi.

Yigʻilishda ishtirokchilarga xotin-qizlarning mamlakatimizda amalga oshirilayotgan islohotlarga daxldorlik hissini oshirish, ularga qabul qilinayotgan qonunchilik hujjatlarining mazmun-mohiyati va ahamiyatini xalqchil tilda tushuntirilib bugun mamlakatimizda Konstitutsiyamizda roʻy berayotgan oʻzgarishlar va xotin-qizlarimizga daxldor yangi  tahrirdagi qonuniy normalar toʻgʻrisida ham tushunchalar berildi.

Qizgʻin bahs va munozaralarga boy oʻtgan ushbu uchrashuv, koʻtarinki ruhda tugatildi.

Xonbuvi Xayitova,

“Adolat”SDP Pastdargʻom tuman Kengashi raisi.