Qadri ulugʻlanganning sadoqati bisyor...

Shu vatan, shu el bagʻrida baxtiyor yashamoq sizu bizning Tangri ato etgan ulugʻ saodatimizdir. Yurtimizda amalga oshirilayotgan keng qamrovli islohotlarning bari inson qadrini ulugʻlash va uning farovonligini taʼminlash orqali ona vatanga boʻlgan sadoqati va fidoyiligini yanada oshirishiga qaratilgandir.

“Аdolat” SDP tomonidan amalga oshirilayotgan “Inson qadri ulugʻlangan yurt” loyihasi orqali yurtboshimiz rahbarligida olib borilayotgan odilona siyosat, inson qadrini ulugʻlash, ehtiyojmand oilalarni qoʻllab-quvvatlashga qaratilgan qaror va farmonlarning mazmun-mohiyati va imkoniyatlarini targʻib etishga qaratilmoqda.

Quva tuman Kengashi raisi — Shohista Mamajonova tumandagi “Diamond” xususiy shifoxonasi jamoasi bilan uchrashib, “Аholining tibbiy madaniyatini oshirish, sogʻliqni saqlash tizimiga zamonaviy axborot-kommunikatsiya texnologiyalarini joriy etish” mavzusida suhbat oʻtkazdi.

– Tibbiyot sohasida olib borilayotgan islohotlar koʻlami keng. Bu albatta aholi salomatligini muhofaza qilish, ularga malakali tibbiy xizmat koʻrsatish imkonini beradi. Partiya Saylovoldi dasturida koʻzda tutilgan loyihalar bizning maqsadlarimiz bilan mushtarakdir, — deydi shifoxona bosh shifokori Erkin Qosimov.- Tuman aholisiga koʻrsatilayotgan tibbiy xizmat sifatini yanada oshirish uchun shifoxonamizga eng soʻnggi rusumdagi texnologiyalarni olib kelyapmiz. Аniq tashxis, sifatli muolaja bemorlarimizni tezroq oilasi bagʻriga eson-omon qaytishlari uchun zamin yaratadi.

“Аdolat” SDP bilan hamkorlikda xayriya tadbirlarini oʻtkazib kelamiz, ehtiyojmand va nogironligi bor fuqarolarni qoʻllab –quvvatlab, imtiyozli davolaymiz.

Bugungi targʻibot tadbirida aytilgan fikrlarga qatʼiy amal qilib kelamiz. Xalqimizning salomatligi, kelajagimiz vorislari boʻlgan yoshlarimizning har tomonlama barkamol boʻlib voyaga yetishlarida sifatsiz va qalbakilashtirilgan dori vositalarining salbiy taʼsiri katta. Shuning uchun aholimizni tibbiy savodxonligini oshirish barchamizning vazifamiz. Shifokorlar tomonidan bemorlarga tavsiya qilingan va dorixonalardan xarid qilingan dori-darmonlarni sifati va muddatini ham nazorat qilamiz. Ozgina beparvolik inson hayotini xatarga yetaklashi muqarrar.

Tadbir soʻngida, “Tibbiyot xodimlari kuni” munosabati bilan partiya elektorati boʻlgan eng faol xodimlarga partiyaning esdalik sovgʻalari topshirildi.

“Adolat”SDP

Fargʻona viloyat kengashi Matbuot xizmati.