Qadri ulugʼlanganning sadoqati bisyor...

Shu Vatan, shu el bagʼrida baxtiyor yashamoq sizu bizning tangri ato etgan ulugʼ saodimizdir. Yurtimizda amalga oshirilayotgan keng qamrovli islohotlarning bari inson qadrini ulugʼlash va uning farovonligini taʼminlash orqali ona vatanga boʼlgan sadoqati va fidoiyligini yanada oshirishiga qaratilgandir.

“Аdolat” SDP tomonidan amalga oshirilayotgan “Inson qadri ulugʼlangan yurt” loyihasi orqali yurtboshimiz rahbarligida olib borilayotgan odilona siyosat, inson qadrini ulugʼlash, ehtiyojmand oilalarni qoʼllab-quvvatlashga qaratilgan qaror va farmonlarning mazmun –mohiyati va imkoniyatlarini targʼib etishga qaratilmoqda.

 Quva tuman Kengashi raisi Shohista Mamajonova tumandagi "Diamond" xususiy shifoxonasi jamoasi bilan uchrashib, “Аholining tibbiy madaniyatini oshirish, sogʼliqni saqlash tizimiga zamonaviy axborot-kommunikatsiya texnologiyalarini joriy etish” mavzusida suhbat oʼtkazdi.

 – Tibbiyot sohasida olib borilayotgan islohotlar koʼlami keng. Bu albatta aholi salomatligini muhofaza qilish, ularga malakali tibbiy xizmat koʼrsatish imkonini beradi. Partiya Saylovoldi dasturida koʼzda tutilgan loyihalar bizning maqsadlarimiz bilan mushtarakdir, - deydi shifoxona bosh shifokori Erkin Qosimov.- Tuman aholisiga koʼrsatilayotgan tibbiy xizmatni sifatini yanada oshirish uchun shifoxonamizga eng soʼnggi rusumdagi texnologiyalarni olib kelyapmiz. Аniq tashhis, sifatli muolija bemorlarimizni tezroq oilasi bagʼriga eson –omon qaytishlari uchun zamin yaratadi.

 “Аdolat” SDP bilan hamkorlikda hayriya tadbirlarini oʼtkazib kelamiz, ehtiyojmand va nogironligi bor fuqarolarni qoʼllab –quvvatlab, imtiyozli davolaymiz.

 Bugungi targʼibot tadbirida aytilgan fikrlarga qatьiy amal qilib kelamiz. Xalqimizning salomatligi, kelajagimiz vorislari boʼlgan yoshlarimizning har tomonlama barkamol boʼlib voyaga yetishlarida sifatsiz va qalbakilashtirilgan dori vositalarining salbiy taʼsiri katta. Shuning uchun aholimizni tibbiy savodxonligini oshirish barchamizning vazifamiz. Shifokorlar tomonidan bemorlarga tavsiya qilingan va dorixonalardan harid qilingan dori-darmonlarni sifati va mudddatini ham nazorat qilamiz. Ozgina beparvolik inson hayotini xatarga yetaklashi muqarrar.

 Tadbir soʼngida, Tibbiyot xodimlari kuni munosabati bilan partiya eloktorati boʼlgan eng faol xodimlarga partiyaning estalik sovgʼalari topshirildi.

 "Adolat"SDP Farg'ona viloyat kengashi Matbuot xizmati