Qish kunlari sovib ketsa, unga tayyormizmi?

Bugun har bir honadonda hech bo’lmasa bitta gazballon bor. Bu esa jamiyatda gazballonga ehtiyoj kundan-kunga ortib borayotganidan dalolatdir. Bu esa o’z navbatida extiyoj baland boʻlgan mazkur  tashkilotdan yurtimizda kunlar sovub borgani sayin  yanada katta kuch bilan  puxta, benuqson ishlashi lozimligini taqazo etadi. Uyingizda issiq choy, qozoningizda ovqat qaynab  tursa yaxshida. Koʻchaga gazballondan murojaat qilib chiqadigan koʻpaymasligi uchun bu tashkilotning gaz tarqatish boʻlimidagilarning mas’uliyati yanada oshadi. Chunki tushungan ham bor, tushunmagan ham. Hatto baʼzida ularni haqorat qilib gapiradiganlar, koʻpchilikning oldida izza qiladiganlar ham topiladi.

Tabiiy gaz yetib borgan xonadonlar, koʻchalar, guzarlar, mahallalarda esa yanada boshqacha muammolar ham boʻlib turadi. Agar koʻchada trubalar almashtirish uchun kovlangan boʻlsa ham bilib turib murojaat qilayotganlar bor. Demak masala jiddiy.

Qish mavsumiga tayyorgarlik ishlari nafaqat tuman miqyosida, balki har bir mahalla, guzar, qishloq, koʻcha, xonadonlarda boʻlishi kerak. Chunki ertaga yanvarda oʻtgan yildagidek boʻralab laylak qorlar yogʻib bersa va kun sovib ketsa, chaqaloqlarimiz, bolalarimiz, nabiralarimiz, ayol-u, ota-ona, xullas, hammaga issiq uy, issiq ishxona kerak. Xoʻsh, shunga tayyorgarlik qanday?

Har bir xonadon qishda nima yoqishiga qarab shu oʻtin, koʻmirini taxlab qoʻyishi qishdan oson chiqishning garovi. Maktablar, bogʻcha, tibbiyot maskanlari, mahalla binolari ham bu borada oʻylab, reja tuzib, shu rejalarni bajarishi kerak.

Hududgaz gaz taʼminoti Payariq gaz filialida filial xodimlari ishtirokida korrupsiyaga qarshi kurash mavzusida uchrashuv oʻtkazildi. Unda viloyat gaz taʼminoti idorasi kasaba uyushmasi raisi Safarali Azizov qatnashdi va ishtirokchilarga mamlakatimizda korrupsiyaga qarshi kurash borasida olib borilayotgan ishlar, gaz idorasi xodimining kasb etikasi, bugungi kunda ushbu soha xodimlari uchun xushmuomalalik, xalq bilan toʻgʻri muloqot qilish qanchalik zarurligi, ish faoliyati davomida korrupsiyaga yoʻl qoʻymaslik, gaz ballonlarni oʻz vaqtida aholiga yetkazish, jamoa shartnomasi bilan yaqindan tanishib, uni imzolash, kuz-qish mavsumiga tayyorgarlik masalalarida fikr yuritdi. Safarali Azizov oʻz soʻzida oʻtgan yili gaz sohasi respublikamizda eng korrupsiya kam uchragan sohalardan biri boʻlganini va bu obroʻ-eʼtiborni ushlab turish juda muhimligini taʼkidladi. Korrupsiyaga yoʻl qoʻymaslik bilan birga xalqqa qayishish, gazballonlarni aytilgan, belgilangan kunlarda olib borish, odamlarni, mahalla fuqarolarini koʻp muztar qilmaslik holatlariga ham eʼtibor qilinsa nur ustiga nur boʻlardi.

Azamat Tavboyev,

Xalq deputatlari tuman Kengashining Sanoat, transport, qurilish, kommunal soha va aholiga xizmat koʻrsatish masalalari boʻyicha doimiy komissiyasi raisi.