Qishloqlarda ham aqlli bekatlar qurilsa boʻladi. . .

Xalq deputatlari Fargʻona tuman Kengashi deputatlari O.Dadajonova, F.Mirzayev, Oʻzbekiston “Adolat” SDP tuman Kengashi raisi N.Karimovlar “Birdamlik” MFY, “Begimjontepa” koʻchasida saylovchilar bilan uchrashuv oʻtkazdilar. Suhbat davomida bir guruh fuqarolar qishning izgʻirinli, bahor va kuz faslining yomgʻirli, yoz faslining esa, jazirama kunlarida tuman markaziga borib–kelishda transport vositalarini kutish jarayonida qator qiyinchiliklarga duch kelayotganliklarini bildirdilar. Keksalar, koʻp bolali ayollar va bolalar uchun mahalla faollari va homiylar tomonidan bekatlar qurilib, foydalanishga topshirilgan. Lekin, mazkur bekatlari texnik va xavfsizlik, zamon talablariga mos kelmaganligi sababli qishloqlar husniga ham soya tashlab turibdi. Xalqimizga qulay shart-sharoitlar yaratish maqsadida deputatlar fuqarolarning murojaatlariga koʻra, sektor rahbarlari nomiga Deputat soʻrovlari yuborildi. Axir qishloqlarda ham aqlli bekatlar qurilib, foydalanishga topshirilsa nur ustiga aʼlo nur boʻlar edi. Xalq ogʻirini yengil qilish, ularning muammolarini hal etish yoʻlidagi harakatlar davom etadi.

                                                    “Adolat”SDP

Fargʻona viloyat kengashi Matbuot xizmati.