Qonun loyihasi mahallada oʻrganilmoqda

Referendum saylovlar bilan bir qatorda xalq irodasining bevosita ifodasidir. Unda fuqarolar tomonidan bildirilgan munosabat davlatning ertangi kunini belgilaydi.

Yuqoridagilardan kelib chiqib Konstitutsiyamizga oʻzgartirishlar kiritish toʻgʻrisidagi qonun loyihasi boʻyicha shu yilning 30-aprelʼ kuni boʻlib oʻtadigan referendumga tayyorgarlik qizgʻin bormoqda. Oliy Majlis Qonunchilik palatasi deputati Mavluda Adhamjonova Andijon tumanidagi mahallalarda boʻlib, jamoatchilik orasida ayni shu mavzuda tushuntirish ishlarini olib bormoqda.

Kuyganyor va Sanoat MFYlarda yashovchilar bilan oʻtkazilgan suhbatlar savollarga boy boʻldi. Yangilanayotgan Konstitutsiyamiz jamoatchilikda qiziqish uygʻotmoqda.

Ayniqsa, fuqarolar qonun loyihasida uy-joy va yoshlar masalasida kiritilayotgan oʻzgarishlarni qoʻllab-quvvatladilar.

Deputat tomonidan fuqarolarni qiziqtirgan savollariga javob berildi.

“Adolat” SDP Andijon viloyat kengashi

Matbuot xizmati.