Qorako’lda deputat va yoshlar uchrashuvi tashkil etildi

“Adolat” SDP Qorako’l tuman Kengashi tashabbusi bilan tumanning Madaniyat markazida “Deputat va yoshlar” uchrashuvi tashkil etildi.Uchrashuvda Xalq deputatlari Qorako’l tuman Kengashi deputati Ra’no Shukrullayeva, “Adolat” SDP Qorako’l tuman Kengashi raisi Nuriddin Ochilov, tumannnig mutasaddi tashkilot rahbarlari, yoshlar va ommaviy axborot vositalari vakillari ishtirok etdilar. Uchrashuvda Xalq deputatlari tuman Kengashi deputati R.Shukrullayeva hududda Yoshlarga oid davlat siyosati samaradorligini oshirish hamda “Yoshlar daftari”ga kiritilgan yigit-qizlarning muammolarini hal etish borasida amalga oshirilayotgan ishlar haqida ma'lumot berdi.

Deputat va yoshlar ishtirokida ochiq muloqot tarzida o'tgan uchrashuvda tumanda yoshlarga qaratilayotgan yuksak e'tibor, barcha sohada yoshlarning o'rni va rolini oshirishga qaratilgan chora-tadbirlar, davlatimiz rahbari tomonidan “O'zbekistonda yoshlarga oid davlat siyosati to'g'risida”gi qonuni yoshlar hayotida muhim ahamiyat kasb etayotgani ta'kidlandi. Bugungi kunda yoshlar o'qib-o'rganishlari, zamonaviy bilim va ko'nikmalarni egallashi, hunarli bo'lishi uchun Davlat dasturida ko'plab tashabbuslar ilgari surilgani, rejalar aytilgani haqida batafsil gapirib berildi. Yoshlarga oid qabul qilinayotgan ko'plab qaror va farmonlar, qabul qilinayotgan qonunlar yoshlarga qaratilayotgan e'tiborning yuksak namunasi e'kanligi ta'kidlandi.

Bo'lib o'tgan uchrashuvda yoshlar tomonidan ko'plab fikr-mulohazalar, taklif va tavsiyalar berib o'tildi. Jumladan, tumandagi 3-umumta'lim maktabi o'quvchisi Lola Ibragimova tomonidan umumta'lim maktablarining 10-11-sinf bitiruvchilarini viloyat OTMlariga sayohatini uyushtirish hamda 15-umumta'lim maktabi o'quvchisi Sardorbek Hakimov tomonidan qishki va yozgi ta'til oldidan kitob yarmarkalarini tashkil etish kabi takliflar berildi. Ushbu takliflar deputat va faollar tomonidan ma'qullanib, amalga oshirish uchun choralari ko’rilishi aytib o’tildi.

Mana shunday ajoyib savol va takliflar bilan chiqqan yoshlarga partiyaning esdalik sovg'alari va kitoblar topshirildi.

Mohigul Rahimqulova,

“Adolat” SDP Buxoro viloyat Kengashi matbuot kotibi.