Qorovulbozorlik saylovchilar bilan uchrashuv bo’lib o’tdi

Yurtimiz ijtimoiy-siyosiy hayotida muhim o'rin tutgan Prezidyentlikka saylov kuni tobora yaqinlashib bormoqda. Shu munosabat bilan ayni kunlarda saylovni munosib o'tkazish maqsadida joylarda nomzodlarn ishonchli vakillarining saylovchilar bilan targ'ibot uchrashuvlari ayni qizg'in pallasiga keldi. Ana shunday targ'ibot tadbirlarining navbatdagisi Qorovulbozor tuma 18-son bolalar musiqa va sanat maktabida bolib o’tdi. O'zbekiston Ryespublikasi Prezidyentligiga “Adolat” sotsial-demokratik partiyasidan ko'rsatilgan nomzod Robaxon Mahmudovaning Buxorodagi ishonchli vakili Maqsud Hamidov qorovulbozorlik saylovchilar  bilan uchrashdi.

Navbatdagi targ'ibot uchrashuvida partiyaning mahaliy Kengash dyeputatlari, ta'lim sohasi vakillari, tibbiyot xodimlari, ommaviy axborot vositalari xodimlari hamda mahalla faollari ishtirok yetishdi.

Ishonchli vakil Maqsud Hamidov so'zga chiqib, ishtirokchilarga nomzodning hayoti va faoliyati bilan tanishtirdi. Shundan so'ng, yig'ilganlarni saylovoldi dasturdan o'rin olgan ustuvor yonalishlar bilan tanishtirdi.  

Nomzodning Saylovoldi dasturida sudlarni ixtisoslashtirish, ma'muriy sudlarni tashkil etish, sudlarni odamlarga yaqinlashtirish, ochiqlik va shaffoflikni o'rnatish  kabi vazifa va maqsadlarga alohida e'tibor qaratilganligi saylovchilarning diqqat e'tiborini tortdi.

Shundan so'ng, partiya faollari A. Arabova  va F.Mo'minovlar so'zga chiqib saylovoldi dasturda bildirilgan ilm-fan va tibbiyot sohalaridagi takliflar asosli va o'rinli ekanligini ta'kidladi. Shu bilan bir qatorda 9-iyulda bo'lib o'tadigan saylovda barcha fuqarolar faol qatnashib,  o'z kelajagi hamda yurt ravnaqi yo’lida o'zlari munosib deb bilgan nomzodga ovoz berishga   chaqirishdi.

Mohigul Rahimqulova

“Adolat” SDP Buxoro viloyat Kengashi.