Qulay investitsiyaviy va ishbilarmonlik muhiti taʼminlanadi

Oliy Majlis Qonunchilik palatasi deputatlari, Xalq deputatlari Shayxontohur tuman Kengashi deputatlari, xususan, Islomova Dildora Shavkatovna bilan birgalikda “Oʻzbekiston Respublikasi Konstitutsiyasi toʻgʻrisida”gi konstitutsiyaviy qonun loyihasi boʻyicha targʻibot tadbirlarida faol ishtirok etmoqda.

Targʻibot tadbirlarida Konstitutsiyaning yangi loyihasida mustahkamlab qoʻyilayotgan davlatning bozor munosabatlarini rivojlantirish, qulay investitsiyaviy va ishbilarmonlik muhitini taʼminlash, halol raqobat uchun shart-sharoitlar yaratishi boʻyicha majburiyatlari belgilanayotganligi, barcha mulk shakllarining teng huquqliligi, tadbirkorlarning qonunchilikka muvofiq har qanday faoliyatni mustaqil tanlashi va amalga oshirishga haqli ekanligi toʻgʻrisida soʻz bordi.

Islomova Dildora Shavkatovna, Xalq deputatlari Shayxontohur tuman Kengashi deputati:

-Konstitutsiyada inson huquq va erkinliklari sezilarli darajada kengaytirilmoqda. Xususan, konstitutsiyaviy huquqlar doirasi, ekologik huquqlar, sogʻliqni saqlash, gender tenglik ekologik harakatlanish, turar va yashash joyini erkin tanlash, mamlakatdan chiqish va moneliksiz qaytish, internetdan foydalanish, shaxsiy maʼlumotlar himoyasi, oliy taʼlim, bepul yuridik yordam olish, davlat xizmatiga kirishda tenglik, uy-joyga ega boʻlish, undan mahrum etilganda kompensatsiya olish, bank operatsiyalari va hisob-varaqlarining sir saqlanishi, qonunchilikka oid taklif kiritish kabi huquqlar bilan toʻldirilmoqda. Shuningdek, “Inson qadri uchun” tamoyili Konstitutsiyada, qonunlarimizda va davlat idoralari faoliyatida bosh mezon boʻlishi shartligi qayd etildi.

“Adolat” SDP Toshkent shahar Kengashi Matbuot xizmati.