Qurultoy delegatlar saylandi

Oʻzbekiston “Adolat” sotsial-demokratik partiyasi viloyat Kengashining XI konferensiyasi boʻlib oʻtdi. Tadbirni Kengash raisi Jamoliddin Komilov ochib, kun tartibidagi masala yuzasidan maʼruza oʻqidi.

 — Bugungi kunda Oʻzbekiston tarixida muhim oʻzgarishlar boʻlayotganini guvohi boʻlib turibmiz, —dedi notiq oʻz soʻzida.— Xalqimiz erkin huquqiy demokratik davlatda farovon hayot kechirarkan, kelajakka katta umidlar bogʻlayotgani hech kimga sir emas. Shunday ekan, yurtimizda joriy yil 9-iyul kuni boʻlib oʻtadigan Oʻzbekiston Respublikasi Prezidenti saylovi oʻtkazilishi ham yurtimizda chin maʼnoda demokratik islohotlar amalda ekanidan dalolat. Oʻz oʻrnida barcha siyosiy partiyalar qatorida bugungi islohotlarda “Adolat” sotsial-demokratik partiyasi ham faollik koʻrsatmoqda.

Eʼtirof etish kerakki, yurtimizda deputatlarimiz faoliyati keyingi anchagina faollashdi. Bu esa, albatta, ularning xalqimiz orasida yaxshiroq tanilishga sabab boʻlmoqda. Ular tomonidan hududlardagi muammolarni oʻrganishlari va ijro organlari bilan hamkorlikda mavjud muammolarni hal qilishlari deputatlarimizga nisbatan ishonchini yanada ortishiga asos boʻlayotir.

Joriy yilda mamlakatimiz siyosiy partiyalari oldida ulkan va masʼuliyatli tashkiliy-partiyaviy vazifalar turibdi. Mamlakatimizda Prezident sayloviga tayyorgarlik koʻrish jarayoni boshlandi. Yirik tadbirlar partiyadan barcha kuchlarni safarbar etish, partiya tizimlarida ishni mukammal tashkillashtirish, partiya kadrlari va faollarining maqsadli va sobitlik bilan faoliyat koʻrsatishlarini talab qiladi. Kengashimizning barcha aʼzolari va deputatlar Prezident saylovida faol ishtirok etishi hamda qatʼiyatlarini ayamasliklariga ishonaman.

J. Komilov oʻz soʻzida “Adolat” SDPning poytaxtda boʻlib oʻtadigan XI Qurultoyiga delegatlarni saylash kerakligini bildirdi. Tadbir davomida partiyaning Yangiyer shahar kengashi raisi Farhod Rasulov, partiyaning Boyovut tuman kengashi raisi Abdujalil Shoimqulov, Mirzaobod tuman kengashi raisi   Jasur Omonov, viloyat kengashi deputati Muhammad Ismoilov va partiya viloyat kengashining ijrochi kotibi Behzod Rixsiboyev soʻzga chiqib, kun tartibidagi masala yuzasidan oʻzlarining fikrlarini bildirdilar.

Qurultoyga delegatlarni saylash boʻyicha nomzodlar toʻgʻrisidagi tavsiyalar tinglanib, muhokama qilinib, “Adolat” SDP viloyat Kengashi tomonidan 5 nafar nomzodning ismi-sharifi partiyaning XI Qurultoyiga delegat sifatida ovozga qoʻyildi.

Konfirensiya yakuniy natijalariga koʻra, “Adolat” SDP viloyat Kengashi deputati Muhammad Ismoilov, SDP Yangiyer shahar Kengashi raisi Farhod Rasulov, viloyat kengashi deputati, Yangiyer pedagogika kolleji direktori Dilfuza Umerova, Adolat SDP viloyat Kengashi ijrochi kotibi Behzod Rixsiboyev va Adolat SDP viloyat Kengashi matbuot kotibi Sherzod Umarovlarning nomzodlari konferensiya qatnashchilari tomonidan bir ovozdan tasdiqlandi.

Tadbir davomida kun tartibidagi masala yuzasidan tegishli qaror qabul qilindi.

 “Adolat” SDP Sirdaryo viloyat kengashi Matbuot xizmati.