Quvada Adolatchilar safi koʻpaymoqda...

Quva tumanida Shohista opani tanimagan-bilmagan odam yoʻq. Bir gapirib oʻn kulib, koʻnglingizga yoʻl topadi. Yuzlaridan yoshlarcha shijoat va gʻayrat ufurib turgan opa “Adolat” SDP tuman Kengashi raisi sifatida faoliyat yuritar ekan, bir qarasangiz mahalla ulugʻlari bilan qaysidir muammoni xal qilish choralarini izlayotgan boʻlsa, yana bir qarasangiz yoshlar davrasiga kirib, yana bir tadbirni tashkilotchisiga aylanadi qoʻyadi.

–Orada 5-6 oy dam olib, sogʻligʻimni tiklamoqchi boʻldim-u, ey, kasaldan boshim chiqmadi. Endi bildimki, adolat menga kuch berar ekan, quvvat berarkan, -deydi Shohista Mamajonova biz bilan suhbatda. Orada aʼzolarimiz safi ham biroz kamayib ketibdi. Bunisi boʻlmabdi, — dedim oʻzimga –oʻzim. Oʻnta odamga bosh boʻlish nima-yu, minglab odamlarga yetakchi boʻlish nima? Koʻpniki gashti oʻzgachada. Bugun erta tongda turib, oldimga maqsad qoʻydim, “Adolat”chilarni safini koʻpaygandan koʻpaytirganim boʻlsin.

Erta tongda “Partiya potranaji” loyihasi doirasida “Quva textil” MChJga keldim. Viloyat rahbarimiz Shahnoza Gʻanieva bilan uchrashuvimizda koʻpchilik bizni saflarimizda boʻlish istagini bildirishgandi. Niyat xolis ekan, bugun tushgacha 54 nafar korxona ishchilari arizalarini qabul qildim. Ular ham, oʻzim ham xursandman. Endi bekor oʻtirish yoʻq-deydi Shohista Mamajonova.

Elim-yurtim deb yonib yashovchi Shohista Mamajonovaning “Adolat” yo’lida amalga oshirayotgan  bu kabi ishlari yo’lida ulkan zafarlar tilaymiz.

“Adolat” SDP

Farg’ona viloyat kengashi Matbuot xizmati.