Quvasoyda 14 kmdan ziyod ichki yoʻllar ravon boʻlmoqda

Quvasoyda 14 kmdan ziyod ichki yoʻllar ravon boʻlmoqdaQuvasoy shahridagi “Namuna” mahalla fuqarolar yigʻini hududidagi 2,8 km ichki yoʻllar “Mening yoʻlim” loyihasi doirasida asfaltlashtirildi. Endilikda mazkur mahalladagi taʼmirtalab holatga kelib qolgan “Aziztepa”, “Ibrat” hamda “Barkamol” koʻchalarining ravon va tekis yoʻllari aholiga koʻtarinki kayfiyat bagʻishlamoqda. Bu ezgu ishlarning sifatli bajarilishi “Adolat” SDP faollari va shahar Kengashi deputatlari tomonidan doimiy nazorat qilib borilyapti.-23 yildan buyon yozda chang-toʻzon, qishda loy bilan toʻlgan koʻchalarimizda bugun amalga oshirilayotgan bunyodkorlik ishlariga koʻpning havasi keladi.

"Mahalla ahlining quvonchi cheksiz”, — deydi Ikromjon Karimov. – Bugun mahalladoshlarimiz yurtboshimizni duo qilib, yurt tinchligi va obodligini tilamoqdalar. Maʼlumot oʻrnida shuni taʼkidlash zarurki, Quvasoy shahrida “Mening yoʻlim” loyihasi doirasida 2 ta MFYda 3,4 km. yoʻllarda, “Tashabbusli byudjet” loyihasi doirasida 1 ta MFYda 2,7 km. yoʻllarda, shuningdek, Fargʻona viloyati mahallalaridagi birinchi navbatda amalga oshiriladigan chora-tadbirlar doirasida 2 ta MFY da 8 km yoʻllarda taʼmirlash va asfaltlashtirish jarayonlari amalga oshirilmoqda. Joriy yilda 14 kilometr yoʻllar ravon manzillarga aylantirish uchun qurilish tashkilotlari tun-u kun ish olib boryaptilar. 

Dilobar Mirzayeva,

“Adolat” SDP Quvasoy shahar Kengashi raisi.